6 Unkan hena on ayuptapi kta okitpanipi.
Unkan tuwedan oie wanjidan ayupte kta okihi śni; qa anpetu kin hetanhan tuwedan ake wiwanga tawaṭenye śni ece.
Unkan hena hecen eye c̣ehan, kipajinpi qon owasin iśtecapi; unkan wokitaninyan taku econ qon hena owasin on oyate owasin iyuśkinpi.
Unkan oyate kin wicitokam oie kin iyaḣpayapi kte cin okitpanipi, qa waayupte cin he on inihanpi, qa inina hiyeya.
He iyohakam tuwedan sanpa wiwanga tawaṭenye śni.
Wicai wicoksape ahna cic̣upi kta, hecen tokaniyanpi kin tuwedan taku iennihdepi kte śni, qa iyakapeniyanpi kte śni.
Tuka Woksape Woniya ko on ie cin he okihipi śni.
