Lukas 14:21 - Dakota Wowapi Wakan Kin

²¹ Unkan hecen ookiye qon he ku, qa heyapi kin yuhe cin ecen okiyaka. Unkan hinakaha tipi tawa kin śihda, qa taokiye qon heciya; Koyaḣan wo, qa otonwe canku kin ekta ye, c̣a waḣpanicapi kin, huha ksawahanpi, huśtepi, iśtagongapi kin, hena den awicau wo, eya.

Lukas 14:21 Iomraidhean Croise

Mattheos 11:28

Tona ḣtayanipi qa tkeya wayaqinpi kin owasin en mau po, kinhan ozikiyapi cic̣upi kta.

Mattheos 11:5

Iśtagongapi kin tonwanpi ece, huśtepi kin manipi ece, tona lepros ececapi kin ska wicakagapi ece, ṭapi kin kinipi ece, qa tona onśikapi kin hena wotanin waśte owicakiyakapi ece.

Mattheos 15:12

Hehan waonspewicakiye cin en hipi qa heciyapi; Wicoie kin de Pharisee kin naḣonpi qa śihdapi, he sdonyaya he.

Mattheos 18:31

Unkan kici wowidake unpi kin hena taku econpi kin wanyakapi qehan, nina iyokiśicapi: heon en hipi qa wicayuhe cin taku econpi kin owasin okiyakapi.

Mattheos 20:7

Unkan, Tuwedan opeuntonpi śni ce, eciyapi. Hehan hewicakiya; Niś eya hastanhanka iyuwi ojupi kin en ya po, kinhan taku owotanna iyacupi kta.

Lukas 14:13

Tuka wotapi wan yakage cinhan, waḣpanicapi, qa huha ksawahanpi, qa huśtepi, qa iśtagongapi kin, hena wicakico wo;

Lukas 14:20

Unkan wanji tokeca heya; Winoḣinca wan mduza, hecen wau owakitpani ce.

Lukas 14:22

Unkan ookiye qon heya; Itancan kin, ehe cin he wanna ecen econpi, tuka nahaḣin okan ce, eya.

Lukas 14:24

Heciciya ce; Wicakicopi qon wanjidan kaeś wowahe cin etanhan onśpadan yutapi kte śni ce, eya.

Lukas 24:47

Qa hecen iye caje kin on ihduecetupi qa woaḣtani kajujupi kin, oyate kin owasin en oyakapi kta, Jerusalem en tokaheya kta.

Lukas 9:10

Unkan wahośiyapi kin hena wanna hdipi qehan, taku token econpi kin owasin okiyakapi. Unkan ewicahdaku qa naḣmanna icunonpa makotahedan wan ekta i, he otonwe wan Bethsaida eciyapi kin ahankeya.

Johannes 9:39

Unkan Jesus heya; Oyate kin de ekta wicawahi, wicaśta tone tonwe śni kin hena tonwanpi kta, qa tona tonwe cin hena iśtagongapi kta, he woyaco kin hduha wani ce.

Hebrew 13:17

Tona wahokonniciyapi kin hena anawicakigoptan po, qa wicihukuya yeic̣iya po, hena ninagipi kin on awanniyakapi, ohdakapi kte cin he iyecen; hecan wowiyuśkinyan econpi kta, qa woiyokiśinya econpi kte śni; he niyepi kin on waśte.

Hebrew 2:3

Unkiye wiconi hinsko tanka kin unkaktapi śni kinhan, token naunpapi kta he. He tokaheya Itancan kin oyake c̣a, tona naḣonpi kin hena atayedan unkokiyakapi:

Jakob 2:5

Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.

Wayuotanin 19:15

Qa iye i kin etanhan maza sagye anog ope kin hiyu, heon oyate kin awicape kta, qa maza icapsinte wan on wicayuhe kta; qa Wakantanka Iyotan Waśake cin he wocantiyahde ohitike cin miniśa iyuśkice kin he naśkica.

Wayuotanin 22:17

Unkan Woniya kin tawicuyapi kin kici, Kuwa, eyapi. Qa tuwe naḣon kinhan he, Kuwa, eye kta. Qa tuwe ipuza kinhan, he u kta. Qa tuwe cin kinhan he iyunwin codan wiconi mini kin etanhan icu nunwe.