Lukas 14:13 - Dakota Wowapi Wakan Kin

¹³ Tuka wotapi wan yakage cinhan, waḣpanicapi, qa huha ksawahanpi, qa huśtepi, qa iśtagongapi kin, hena wicakico wo;

Lukas 14:13 Iomraidhean Croise

Mattheos 15:30

Unkan wicaśta ota en hipi, tona huśtepi, iśtagongapi, ia okitpanipi, hu bawicaksapi, qa toktokeca ota en awicahipi, qa Jesus siha kin en ewicahnakapi; unkan asniwicaya.

Mattheos 22:10

Hecen wowidake unpi kin hena canku ojate kin ektakta iyayapi, qa tona iyewicayapi, śica qa waśte ko, en awicaupi; hecen wakankiciyuzapi wicaśta ota en opapi.

Lukas 11:41

Tuka taku duhapi kin etanhanhan wicaqu po; kinhan taku owasin niciskapi kta ece.

Lukas 14:12

Unkan hehan kico qon he heciya; tohan wiyotanhan wotapi, qa iś ḣtayetu wotapi yakage cinhan, kodawicayaye, c̣a nihunkawanji, qa takuwicayaye cin, qa nikiyedan wijinya unpi kin, hena wicakico śni wo; iś ake okinni nicopi, qa hecen nicicajujupi kta.

Lukas 14:14

Kinhan niyawaśtepi kta ce; hena nicicajujupi kta okitpanipi nakaeś, owotanpidan kinipi kte cin ekta nicicajujupi kta ce, eya.

Lukas 14:21

Unkan hecen ookiye qon he ku, qa heyapi kin yuhe cin ecen okiyaka. Unkan hinakaha tipi tawa kin śihda, qa taokiye qon heciya; Koyaḣan wo, qa otonwe canku kin ekta ye, c̣a waḣpanicapi kin, huha ksawahanpi, huśtepi, iśtagongapi kin, hena den awicau wo, eya.

Olianyanpi kin 9:39

Hehan Inyan najin qa hena om hda. Ekta i, unkan wankan tipi kin en aipi, unkan wiwazica kin owasin en najinpi, qa ohde wokoyake ko, Tabitha ni un qehan, kage ciqon hena pazo yankapi, qa ceyapi ece.

I. Timotheos 3:2

Tuka waawanhdake cin he iyaonpepica śni un kta, winoḣinea wanjidan yuze kta, waktaya un kta, wacinksapa, waḣbayedan, oḣanpi, wowicakiyaka;

I. Timotheos 5:10

Wicoḣan waśte on tanyan oyakapi, cinca icaḣwicakiya, oicimani kin wonwicaya, tona owotanna un siha wicakiyujaja, tona kakijapi kin owicakiya, qa wicoḣan waśte owasin amniheic̣iya en opa hecinhan.

Titos 1:8

Tuka oicimani kin onśiwicada kta, qa taku waśte kin waśtedake kta, wacin ksapa un kta, qa owotanna, wacantkiya, qa iyatahdeic̣iye śni un kta;

Philemon 1:7

Mihunkawanji, wacanyakiye cin heon nina unkiyuśkinpi, qa unkicanptapi, tona owotanna un kin hena cantepi kin iyuśkinwicayaye cin heon etanhan.

Hebrew 13:2

Oicimani kin wonwicaya akiktonjapi śni po; heconpi kin on wanjikśi maḣpiya ohnihde kin sdonwicaye śni won wicayapi.