Lukas 13:33 - Dakota Wowapi Wakan Kin

³³ Takomni anpetu kin de, qa heyakecinhan, nakun iyokihe kin he en mawani kta iyececa; ecaeś Jerusalem itankan wicaśta wokcan wanji ṭe kte pica śni.

Lukas 13:33 Iomraidhean Croise

Mattheos 20:18

Iho, Jerusalem ekta itanwankanhde unyanpi, qa Wicaśta Cinhintku kin wośnapi kagapi wowapi kagapi ko nape en wicaqupi kta; unkan ṭe kta on yacopi kta,

Mattheos 21:11

Unkan wicota kin heyapi; Jesus wicaśta wokcan Galile en Nazareth otonwe kin etanhan he dee.

Lukas 9:53

Unkan Jerusalem ekta ye kta sece cin on etanhan iyowinkiyapi śni.

Johannes 11:54

Heon etanhan Jesus Juda oyate kin wicehna taninyan omani śni, tuka makoce wan ḣewoskan ikiyedan wanke, otonwe wan Ephraim eciyapi kin he ekta ya, qa waonspewicakiye cin om he en un.

Johannes 11:9

Jesus waayupte; Anpetu wanjidan keś, wihiyayedan oape akenonpa śni he; tuwe anpetu icunhan mani kinhan naśna śni ece; maka akan iyoyanpa kin he wanyaka heon.

Johannes 12:35

Hehan Jesus hewicakiya; Iyoyanpa kin ehake cistiyedan nioipi un; iyoyanpa duhapi kin icunhan en omani po; otpaze cin iyapaśtag niyanpi nun ce; tuwe otpaza icunhan omani kin he tokiya ye cin sdonye śni.

Johannes 4:34

Tuka Jesus hewicakiya; Tuwe u maśi kin he tawacin kin ecen ecamon kta, qa iye toḣan kin weciyuśtan kte cin he taku wate cin ee.

Johannes 9:4

Anpetu icunhan, tuwe u maśi wicoḣan tawa kin ecen ecamon kta iyececa; hanyetu kin he hi kta, he en tuwedan wicoḣan econ okihi kte śni.

Olianyanpi kin 10:38

Jesus Nazareth etanhan kin he Wakantanka sdakiya, Woniya Wakan wowaśake ko on; qa he qe taku waśte econ iyaya ece, qa tona taku wakan śica wicayuhnaśkinyan kin hena okiziwicaya ece, Wakantanka kici un kin heon.

Olianyanpi kin 13:27

Tona Jerusalem en yakonpi, wicaśta itancan wicayuhapi ko, he iyekiyapi śni, qa wicaśta wokcan oiepi, anpetu wakan eca yawapi ece kin he nakun; hecen he yacopi kin on hena ecetuyapi.