Lukas 13:32 - Dakota Wowapi Wakan Kin

³² Unkan hewicakiya; Yapi qa śungidan kin he heciya po; Iho, anpetu kin de qa nakun heyakecinhan, wakan śica napewicawaye c̣a, wayazankapi kin asniwicawaye kta, qa anpetu iciyamni kinhan mayuśtanpi kta ce.

Lukas 13:32 Iomraidhean Croise

Markos 6:14

Unkan Herod wicaśtayatapi kin hena naḣon; caje kin tankaya oyakapi nakaeś; hehan heya; Johannes baptem wicaqu qon he ṭapi kin etanhan kini, heon etanhan wicoḣan tanka econ ece.

Johannes 10:32

Unkan Jesus awicayupta; Ate eciyatanhan wicoḣan waśte ota cicipazopi; hena tukte wanji on nakaha inyan on mayakininpi kta he, eya.

Johannes 19:30

Unkan Jesus mini śkumna icu qehan, Wanna yuśtanpi ce, eya; hehan pa makata iyeye c̣a taniya kin hiyuya.

Hebrew 2:10

Tuwe iye tan tanhan taku owasin un, qa iye on taku owasin un kin he cincaota wowitan ekta wicahdoye kte cin on, wiconi tawapi kte cin mdetahunka kin he wokakije on ecedan kage kta e iyokipi.

Hebrew 5:9

Qa iye yuśtanpi kin heon tona anagoptanpi kin owasin owihanke wanin wiconi kin wicakicaga.

Hebrew 7:28

Woope kin he wicaśta waśakapi śni kin hena wawayuśna wicakaga ece; tuka wokonze wicoie kin, woope iyohakam un kin, he Cinhintkuyapi, owihanke wanin yawaśtepi kin he kaga.