Lukas 13:13 - Dakota Wowapi Wakan Kin

¹³ Hehan nape kin ahnaka, unkan wancake owotanna icu, qa Wakantanka yaonihan.

Lukas 13:13 Iomraidhean Croise

Mattheos 9:8

Tuka wicota he wanyakapi hehan yuśinyayapi, qa Wakantanka wicaśta wookihi hinsko tanka wicaqu kin he yatanpi.

Markos 16:18

Sinteḣda yuwankan icupi kta; qa pejihuta śica yatkanpi eśta etanhan itokecapi kte śni; wayazankapi kin nape awicahnakapi kta, kinhan asnipi kta ece.

Markos 5:23

Qa nina cekiye c̣a heya; Micunkśi cistinna wanna ṭe kta wanka; en u qa nape on aputake c̣a asniya ye; hecen ni kta ce.

Markos 6:5

Unkan heciya wicoḣan tanka takudan econ okihi śni; tuka wayazankapi tonana nape on awicaputake c̣a asniwicaya.

Markos 8:25

Hehan ake nape kin iśta akan ehnaka, qa ake wankan etonwekiya; unkan hehan yuecetupi, qa taku owasin tanyan wanyaka.

Lukas 13:12

Jesus he wanyaka, unkan kico qa heciya; Winoḣinca waniyazanke cin etanhan niciyuśkapi ce.

Lukas 18:43

Unkan wancake tonwe c̣a iyahna hiyu, qa Wakantanka yaonihan: unkan oyate kin he wanyakapi qehan, owasin Wakantanka yatanpi.

Lukas 4:40

Unkan wi iyaya hehan, woyazan ocaje ota on wicayazan tona wicayuhapi kin hena en awicahipi; unkan otoiyohi nape awicahnake c̣a asniwicaya.

Olianyanpi kin 9:17

Hehan Ananias ye c̣a, tipi kin timahen iyaye c̣a, nape on aputake c̣a heya; Salos mihunkawanji, yatonwe ca Woniya Wakan on onijudan kta e Itancan kin u maśi; Jesus canku ohna yau kin en taninic̣iye ciqon hee.