Lukas 12:5 - Dakota Wowapi Wakan Kin

⁵ Tuka tuwe koyakipapi kte cin he ito kanyehan ociciyakapi kte: Tuwe wicakte, qa hehan wakanśica tipi kin en eḣpewicaya okihi kin he eca kokipa po; han, Hee kokipa po, eciciyapi ce.

Lukas 12:5 Iomraidhean Croise

Mattheos 10:28

Unkan tona wicatancan ecedan ktepi kta okihipi, qa wicanagi kte okihipi śni kin hena kowicakipapi śni po; tuka tuwe wicanagi wicatancan ko Wakanśica ti kin en ihangye kte cin hee e kokipa po.

Mattheos 25:41

Hehan tona catka kin eciyatanhan unpi kin hewicakiye kta; Niyaśicapi kin, mitantanhan iyaya po, peta owihanke wanica ekta, wakanśica iye taokiyewicaye cin koya on kagapi qon.

Mattheos 25:46

Unkan dena owihanke wanin wokakije kin en yapi kta; tuka wicaśta owotanna kin hena owihanke wanin wieoni kin en yapi kta.

Mattheos 5:22

Tuka miś heciciyapi; Tuwe taku on etanhan śni sunkaku śicekidake cinhan he yacopi kta; qa tuwe sunkaku, Waḣteśni, eciye cinhan he omniciye tanka kin en ayapi kta; qa tuwe, Winitkotkoka, eciye cinhan, he Wakanśica tapeta kin en iyoḣpeyapi kta iyececa.

Markos 13:23

Tuka iwanihdaka po; iho, itokam hena ociciyakapi.

I. Thessalonike 4:6

Taku en tuwedan hunkawanjitku kin kape c̣a hnaye kte śni; tona heconpi kin owasin Itancan kin tokic̣on ece, unkoniciyakapi qa unniciyaotaninpi qon iyececa.

Hebrew 10:31

Wakantanka ni un nape kin en ohinhpayapi kin he wokokipe.

II. Inyan 2:4

Wakantanka maḣpiya ohnihde waḣtanipi qon hena wicakpatan śni, tuka wakanśica ti kin ekta iyayewicaya, qa woyaco kte cin hehanyan wicayuhapi kta e otpaza maza icicaḣiḣa on wicakaśka hecinhan;

Wayuotanin 14:7

Qa hotankakiya heya, Wakantanka kinihanpi qa wowitan qu po; woyaco anpetu kin wanna hi ce; qa tuwe maḣpiya, maka, miniwanca, qa wakoniya kin kage cin he itokam canpeśka makehde inajin po.

Wayuotanin 15:4

Itancan, tuwe konicipe kte śni, qa nicaje kin inidowan kte śni he; niśnana oniowotanna; qa oyate hiyeye cin owasin upi, qa nitokam canpeśka makehde enajin kta; woyaco nitawa kin wanna tanin kin heon etanhan.

Wayuotanin 20:14

Unkan wiconṭe qa. Hades kin hena peta mde kin en iyoḣpewicayapi. Wiconṭe inonpa kin hee.