Lukas 12:45 - Dakota Wowapi Wakan Kin

⁴⁵ Tuka ookiye kin he cante mahen, Itancan kin tehan hdi kte śni ecin; qa wicaookiye qa winyanookiye kin hena awicape, c̣a wote, c̣a wayatke, c̣a witkoic̣iye cinhan,

Lukas 12:45 Iomraidhean Croise

Mattheos 22:6

Qa hunḣ wicakico ipi kin hena wicayuzapi, qa śicaya wicakuwapi qa wicaktepi.

Lukas 12:44

Awicakehan heciciyapi; Taku token tawaye cin he owasin yuhekiye kta ce.

Lukas 12:46

Ookiye kin he anpetu wan yuhe cin hdi ape śni, qa sdonkiye śni hehan hdi, qa kicakae, c̣a waceṭunhdapi kin hena owicapeya ounyekiye kta.

Lukas 21:34

Unkan itonic̣ipa po; okinni tukten wotapi, qa witkopi, qa wiconi kin de awacinpi kin, hena on nicantepi kin niyuśakapi kta naceca; qa hecen sdonyakiyapi śni ecen anpetu kin he nihiyohipi kte.

Johannes 2:10

Qa heciya, Wicaśta eca miniśa waśte tokaheya yatke wicakiya ece; qa tohan wicaśta wipipi hehan taku aoptetu kin; tuka niye miniśa waśte ḣinca dehanyan yehnaka ce, eya.

Olianyanpi kin 2:18

Anpetu kin hena en wicaśta taokiye, qa winyan taokiye mitawa kin, hena en mitaniya awicawakaśtan kta, qa hena e wokcanpi kta.

Roma 16:18

Tona hececapi kin Jesua Messiya Itancan unkiyapi kin wowidag wicaye śni, tuka iye tezipi kin hee, qa wicoie waśte, iapi iyokipi se ececa ko, on wicaśta wacin ksape śni kin wicahnayanpi.

II. Korinth 11:20

Tuwe wowidag niyanpi, tuwe temniyanpi, tuwe wanicipi, tuwe waḣanic̣ida, tuwe ite ohna anipapi hecinhan, iyowinwicayakiyapi ece.

I. Thessalonike 5:7

Tona iśtinmapi kinhan, hena hanyetu icunhan iśtinmapi; qa tona witkopi kinhan, hena hanyetu en witko unpi ece.

II. Inyan 2:13

Qa anpetu icunhan tanyan wotapi kin he woiyokipi dakapi kin heon woaḣtani iyunwin kin icupi kta. Hena om wayatapi icunhan wohnayeic̣iyapi kin on iyuśkinpi, woaśape qa taku samya wanke cin hecapi;

II. Inyan 2:19

Tawaic̣iyapi kin wicaqupi kta keyapi, tuka iyepi kaeś wicotakuniśni iwicadaka. Taku on tuwe iyakapeyapi kinhan, ha on wowidagyapi ece.

Wayuotanin 16:6

Wicaśta owotanna, qa wokcanpi kin hena we kin wicakipapsonpi; qa hecen we yatke wicayakiya, he iyekicihantupi nakaeś.

Wayuotanin 18:24

Unkan he ohna wicaśta wokcan wicaśta owotanna ko we kin iyeyapi, qa tona maka akan ktepi kin hena nakun.