Lukas 12:4 - Dakota Wowapi Wakan Kin

⁴ Qa kodamayayapi kin, niś heciciyapi; Wicatancan ktepi qa sanpa takudan okihipi śni kin hena kowicakipapi śni po.

Lukas 12:4 Iomraidhean Croise

Mattheos 10:28

Unkan tona wicatancan ecedan ktepi kta okihipi, qa wicanagi kte okihipi śni kin hena kowicakipapi śni po; tuka tuwe wicanagi wicatancan ko Wakanśica ti kin en ihangye kte cin hee e kokipa po.

Johannes 15:13

Tuwe takuwicaye cin on wiconi eḣpekiye cinhan, he wowaśte kin tuwedan kapeye śni.

Olianyanpi kin 20:24

Tuka hena takuwada śni, qa wiconi mitawa kin teḣike wakida śni, iyuśkinyan ihunniyan waimnanke kta, qa wicoḣan Jesus Itancan maqu kin, Wakantanka towaonśida wotanin waśte omdake kte cin hee tanyan mduśtan kinhan.

Olianyanpi kin 4:13

Unkan Inyan qa Johannes waditakapi kin he wanyakapi, qa taku ota onspeic̣iciyapi śni qa wicaśta ikceka kin hecapi e sdonyapi qehan, nina yuśinyayapi, qa hena Jesus kici unpi qon he iwicayukcanpi.

Philippi 1:28

Qa tona toka niyanpi kin hena on, ihnuhan taku ininihanpi kin: hee hena en wicotakuni śni au kta yuotanin, tuka heon niyepi kin en wiconi Wakantanka etanhan au kta otanin.

Jakob 2:23

Unkan hecen wowapi kin, Abraham Wakantanka wicada, unkan he woowotanna kiciyawapi, qa he Wakantanka takicuwa eciyapi ce, eyapi qon he yuecetupi.

I. Inyan 3:14

Tuka owotanna oḣanyanpi kin on śicaya nicuwapi kinhan, he wowaśte; hecen wokokipe tawapi kin kokipapi śni, qa cante hahayedan yankapi śni po:

Wayuotanin 2:10

Token nicakije kte cin ihnuhan taku koyakipe cin. Iho, Wakanśica niyepi wanjikji wicakaśka tipi kin en iyeniyanpi kta, iniyukcanpi kta e heon; unkan anpetu wikcemna hehanyan wokakije duhapi kta; tuka wicaṭe cin hehanyan wicaka wo, kinhan wiconi wateśdake wan cic̣u kta.