Lukas 12:32 - Dakota Wowapi Wakan Kin

³² Optaye cistinna kin, wikopapi śni po; wokiconze kin hee nic̣upi kta e Ateyayapi kin iyokipi ece.

Lukas 12:32 Iomraidhean Croise

Mattheos 14:27

Tuka Jesus kohanna owicakiye c̣a heya; Cante waśte po; de miye ce; kopehdapi śni po.

Mattheos 20:16

Hecen ehake unpi kin hena tokaheyapi kta; qa tokaheya unpi kin hena ehake unpi kta; wicota wicakicopi, tuka tonana wicakaḣnigapi ece.

Mattheos 25:34

Hehan Wicaśtayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaśtepi kin, wokiconze maka kagapi kin ehantanhan wiyeya niciyankapi kin he ito hduha po.

Mattheos 7:15

Wicaśta wokcan itonpiśni kin hena kowicakipa po; hena taḣinca wanunyanpi iyecen koyag en nihipi, tuka mahen śunktokeca wayapota ece kin hecapi.

Lukas 10:21

Unkan he ehan Jesus cante mahen iyuśkin, qa heya; Ate, maḣpiya maka ahna on Itancan, niye taku kin dena ksapapi, qa wayupikapi kin hena anawicayakiḣbe, c̣a hokśiyoqopa kin heca sdonyewicayakiye cin, he pidamayakiya ce; han, Ate; niye hecen iyonicipi kin heon etanhan.

Johannes 18:36

Jesus ayupte; Wokiconze mitawa kin ne maka kin detanhan śni; wokiconze mitawa kin maka kin detanhan unkanś, mitaokiye kin kis unpi kta, qa Juda oyate kin makaśkapi kte śni tuka. Tuka nakaha wokiconze mitawa kin detanhan śni.

Olianyanpi kin 20:28

Heon tanyan piic̣iyapi, qa optaye owasin en, Woniya Wakan waawanhdake nicagapi kin hena koya, qa Wakantanka taokodakiciye kin, iye we kin on opekiton qon he awanhdaka po.

Olianyanpi kin 20:29

Miye imdamde cinhan, hehan śunktokeca ocin śicapi kin niyepi en niipi kta, qa taḣinca kin itonwicapapi kte śni he sdonwaya.

Roma 6:23

Woaḣtani wokajuju kin he wiconṭe ee; tuka Wakantanka taku ituwicakiḣan kin he, Jesus Messiya Itancan unkiyapi kin eciyatanhan, owiḣanke wanin wiconi kin hee.

I. Korinth 1:21

Hecen Wakantanka toksape kin on, wicoicage kin de wicoksape eciyatanhan Wakantanka sdonyapi śni qehan, wowahokonkiye wowitkotkoke cin on, tona wacinyanpi kinhan hena ni wicaye kta Wakantanka iyokipi.

Philippi 2:13

Tuwe cinniciyapi, qa econniciyapi kin he Wakantanka ee, iye toiyokipi kin eciyatanhan niyepi kin en oḣanyan.

II. Thessalonike 1:11

Qa heon etanhan ohinniyan niyepi on ceunkiyapi, Wakantanka wicakico kin de iyehantu niyawapi kta, qa niyepi en iye towaśte oiyokipi kin ocowasin, qa wowaśake on wacinyanpi wicoḣan kin he nakun hduśtan kta.

II. Thessalonike 1:5

Wakantanka tawoyaco owotanna wowapetokeca kin he dee, nicakijapi kin heon Wakantanka tokiconze kin iyehantu niyawapi kta.

Hebrew 12:28

Heon etanhan wokiconze yuhohopica śni kin unkicupi, wowaonśida unhapi kta, hecen woyuonihan, wokokipe ko yuha Wakantanka iyokipiya ohoundapi kta.

Jakob 2:5

Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.

II. Inyan 1:11

Qa nakun heon Jesus Messiya Itancan qa Wanikiya unkitawapi tokiconze owihanke wanice cin en yaipi kte cin wijinya nic̣upi kta.

Wayuotanin 1:6

Qa Atkuku Wakantanka ekta wicaśtayatapi, wośna kagapi ko unkagapi kin hee, wowitan, wowaśake ko owihanke wanin tawa nunwe. Amen.

Wayuotanin 22:5

Qa heciya hanyetu wanice kta; qa petijanjan qa anpetu wi iyoyanpa kin he cinpi śni; Itancan Wakantanka iyoyamwicaya ece; qa ohinniyan owihanke wanin wicaśtayatapi ounyanpi kta.