Lukas 12:19 - Dakota Wowapi Wakan Kin

¹⁹ Qa minagi kin hewakiye kta; Minagi, taku ota yehnake cin he waniyetu ota oiyahde kta ce; ito oziiciye, c̣a wote, c̣a wayatke, c̣a wiyuśkin wo, eya.

Lukas 12:19 Iomraidhean Croise

Lukas 12:18

Hehan heya; Knken ecamon kta; wopiye wahdujuju kta, qa tankinkinyan wakage kta; qa hena ohna taku imicicaga woyuha mitawa ko owasin ewaju kta.

Lukas 16:19

Wicaśta wanji wijica, he wokoyake stan qa miniḣuha zimzipedan ece koyaka, qa anpetu otoiyohi wiyuśkinyan un.

Lukas 21:34

Unkan itonic̣ipa po; okinni tukten wotapi, qa witkopi, qa wiconi kin de awacinpi kin, hena on nicantepi kin niyuśakapi kta naceca; qa hecen sdonyakiyapi śni ecen anpetu kin he nihiyohipi kte.

I. Korinth 15:32

Wicaśta akantu iyecen, Ephesos ekta wamanica kici weciza eśta, on taku iyomapte kta he, wicaṭe cin piya wicoicage śni kinhan. Wauntapi, qa waunyatkanpi kta, heyakecinhan unṭapi kta ce.

Philippi 3:19

Hena owihanke kin he wicotakuniśni; iye tezipi kin Wakantanka yapi, wowiśtece kin en iwinktapi, qa taku makata un kin awacinpi ece.

I. Timotheos 5:6

Tuka tuwe iyokipi ic̣iya un kinhan, he ni un icunhan wanna ṭa.

I. Timotheos 6:17

Tona maka kin den watonpike cin wahokonwicakiya wo, watankaic̣idapi kte śni, qa woyuha atakuni śni aya ece kin wacinyanpi kte śni, tuka Wakantanka ni un taku iyounkipipi kta e iyakic̣uya unqupi kin hee;

II. Timotheos 3:4

Wicahnayanpi sa, wacinkopi, watankaic̣idapi, magagaic̣iyapi kin he iyotandapi, qa Wakantanka iyotandapi śni.

Jakob 5:5

Maka akan woiyokipi imnahan yaunpi qa tanyan wayatapi ece; wapatapi anpetu kin en iyecen cante cemyakiyapi.

I. Inyan 4:3

Hekta unnipi kin, Ikcewicaśta tawacinpi kin ecen econkupi kin he ota, wicoḣan śica, wocantiheye śica, miniśa ota, wakan wacipi, witkopi, qa wakagapi wakandapi śice cin hena omaunnipi qehan.

Wayuotanin 18:7

Token waḣanic̣ida qa takudan icakije śni un qon he iyecen wicokakije, qa iyokiśicapi kin qu po. Iye cante kin ekta kaken eya; Wicaśtayatapi winoḣinca heca iyotankehan waun, qa wiwazica hemaca śni, qa iyokiśicapi kin icimana wanmdake kte śni ce.