Lukas 12:11 - Dakota Wowapi Wakan Kin

¹¹ tohan omniciye tipi kin en anihipi kinhan qa wicaśtayatapi wowaśake ko ekta, taku qa token aduptapi kta, qa taku ehapi kte cin awacinpi śni po.

Lukas 12:11 Iomraidhean Croise

Mattheos 23:34

Heon etanhan iho, wicata wokcan, wicaśta ksapa, wowapi kagapi hena koya, niyepi ekta yewicawaśi; unkan etanhan apa wicayaktepi kta, qa icipaweḣ owicayakatanpi kta; qa apa omniciye tipi nitawapi kin ohnahna wicayakapsinpsintapi kta; qa otonwe iyasyaza śicaya wicayakuwapi ece e kta.

Mattheos 6:25

Heon etanhan heciciyapi; Yanipi kin on nagiyeic̣iyapi śni po, taku yatapi kta, qa taku datkanpi kta; qa nakun nitancanpi on taku kodakapi kta: Wiconi kin he woyute isanpa śni he; qa wicatancan kin iś wokoyake isanpa yawapi śni he.

Mattheos 6:27

Niyepi etanhan wanji tukte e he awacannipi on wiciśpa wanjidan kaeś sanpa nihduhanskapi oyakihipi kta he.

Mattheos 6:28

Qa tokeca wokoyake on iyokiśinniciyapi he; tinta mnaḣcaḣca kin wanyaka po, icage cin; ḣtani śni qa nakun wapahmun śni;

Mattheos 6:31

Heon etanhan, Taku untapi, qa taku unyatkanpi, qa taku kounyakapi kta he, eya wacin iyokiśicapi śni po.

Mattheos 6:34

Heon etanhan heyakecinhan on iyokiśinic̣iyapi śni po; heyakecinhan he taku tawa kin on iyokiśica ece e kta; anpetu eca taku śica tawa kin yukan ece e kta.

Lukas 12:22

Unkan waonspewicakiye cin hewicakiya; Hecen on heciciyapi ce, Yanipi kin on taku yatapi kte cin, qa iś tancan kin taku kodakapi kte cin, hena on nagiyeic̣iyapi sni po.