Lukas 11:9 - Dakota Wowapi Wakan Kin

⁹ Nakun heciciyapi; Da po, kinhan nic̣upi kta; akita po, kinhan iyeyapi kta; katoto po, kinhan niciyuḣdokapi ece e kta.

Lukas 11:9 Iomraidhean Croise

Mattheos 21:22

Qa taku tona wocekiye eya yadapi, qa wicayadapi kinhan, hena owasin duhapi ece e kta.

Mattheos 21:31

Denaoza unma tukte atkukupi tawacin kin ecen econpi he. Unkan, Tokapa kin, eciyapi. Hehan Jesus hewicakiya; Awicakehan heciciyapi; Wamnayanpi qa wawiciḣaḣapi econpi sa niyepi nitokam Wakantanka tokiconze kin en yapi kta.

Mattheos 6:29

Tuka heciciyapi; Solomon wowitan tanka hduha un qon hee kaeś de wanji iyececa wokoyake kic̣un śni.

Markos 11:24

Heon etanhan heciciyapi; Ceyakiyapi eca taku tona yacinpi kin hena iyacupi e wicada po, kinhan hena duhapi kta.

Markos 13:37

Unkan taku eciciyapi kin he owasin ewicawakiya ece, Waktaya un po.

Lukas 11:10

Tuwe da eca he icu ece; qa tuwe akita eca he iyeya ece; qa tuwe katoto eca he kiciyuḣdokapi ece e kta.

Johannes 14:13

Qa micaje kin on taku yadapi kinhan, ecen ecamon kta; Ateyapi kin Cinhintku kin on yutanpi kta e heon.

Johannes 15:16

Niye he mayakaḣnigapi śni, tuka miye e cicaḣnigapi qa ciyusutapi; hecen tokiya dapi qa waskuyeca icaḣyayapi kta; qa waskuyeca nitawapi kin ohinniyan un kta; hecen micaje on Atewaye cin taku yakidapi kinhan nic̣upi kta ce.

Johannes 15:7

Miyeci yaunpi qa mioie kin he nicipi un kinhan, taku tona yacinpi kin hena yadapi kta, unkan ecen ecaniconpi kta.

Johannes 4:10

Jesus ayupte c̣a heciya; Wakantanka taku wicaqu kin he, qa, Mini maqu wo, eniciye cin he time kin sdonyaya unkanś, niye yakida kta, kinhan mini wiconi kin nic̣u kta tuka ce.

Roma 2:7

Tona wicoḣan waśte en ape yukanpi, qa wowitan, woyuonihan, qa ṭepica śni kin akitapi ece kin hena wiconi owihanke wanice kta:

II. Korinth 6:2

He iye kaken eya, Omaka oiyokipi kin en naciḣon qa wiconi anpetu kin en ociciya: Iho nakaha omaka oiyokipi kin hee; nakaha wiconi anpetu kin he dee.

Hebrew 11:6

Tuka wacinyanpi codan tuwedan iyokipiye kta okihi śni. Tuwe en u kinhan he Wakantanka ni un, qa tona aic̣iciya akitapi kin hena iyunwin wicaqu ece kin he wicada kta.

Hebrew 4:16

Heon etanhan wowaśte oiyotanke kin en waditagya unkicupi kta, hecen wowaoniida unkicupi kta, qa tohan uncinpi eca wowaśte wawokihi kin iyeunyanpi ece e kta.

Jakob 1:5

Niyepi etanhan tuwe woksape nice cinhan, Wakantanka kida kta, iye owasin iyukic̣uya wicaqu ece, qa iyopewicaye śni; unkan qupi kta.

Jakob 5:15

Unkan wacinyan cekiyapi kin he wayazanke cin asniye kta; qa Itancan kin he najinkiye kta; qa woaḣtani econ hecinhan, hena kicicajujupi kta.

I. Johannes 3:22

Qa taku unkidapi kin owasin unkicupi ece, tawoahope kin unkiciyuhapi, qa taku iye iśta kin en iyokipi kin he econkupi, heon etanhan.

Wayuotanin 2:24

Tuka niyepi, qa tona Thuatira ekta woonspe kin he yuhapi śni, qa Satan ośbe tawa eyapi kin sdonye śni yaunpi kin kaken eciciyapi; Waqinpi tokeca acihnakapi kte śni;