Lukas 11:4 - Dakota Wowapi Wakan Kin

⁴ Qa waunḣtanipi kin unkicicajuju miye, unkiś tona śicaya ecaunkiconpi wicunkicicajujupi kin he iyececa. Qa taku wawiyutanyan un kin en unkayapi śni po; tuka taku śice cin etanhan eunhdaku po.

Lukas 11:4 Iomraidhean Croise

Mattheos 18:35

He iyecen, Ate maḣpiya ekta un kin ecaniconpi kta, otoiyohi cante eciyatanhan nisunkapi tona waniciḣtanipi kin wicayecicajujupi śni kinhan,

Mattheos 26:41

Kiktahan unpi qa cekiya po, okinni taku wawiyutanyan un kin en idadapi nun ce. Wicanagi kin he wicada, tuka wicaceḣpi kin waśake śni.

Lukas 11:5

Unkan hewicakiya; Niyepi kid wanji tuwe kodayayapi, qa hanye cokaya ekta yaipi, qa heyakiyapi; Koda, aguyapi yamni omaqu wo:

Lukas 13:4

Qa is Siloam conkaśke akeśahdogan awicahinḣpaye, c̣a wicakte qon, wicaśta owasin Jerusalem en unpi qon henana iyotan wicoḣan śicapi, kecannipi he.

Lukas 22:46

Qa hewicakiya; Tokeca niśtinmapi he: najinpi qa cekiya po; hecen wowiyutanye kin en yaipi kte śni.

Lukas 8:13

Tona wicoie naḣonpi eca iyuśkinyan icupi ece kin hena imnija akan un qon hena ee; hena hutkan nicapi, qa cistiyedan wicadapi, tuka taku iyutanwicayapi hehan ayuśtanpi ece.

Johannes 17:15

Oyate kin detanhan ewicayahdaku kta e heon wocekiye eciciye śni, tuka taku śice cin he en anawicayecipte kta e heon.

I. Korinth 10:13

Wowiyutanyan wan wicaśta sdonyapi śni ece kin en uniupi śni. Wakantanka wacinyepica, hecen wawoyakihipi kin isanpa iyutanniyanpi kta iyowinye kte śni, tuka wowiyutanyan kin he enakiye kta, hecen oyakihipi kta.

Kolosse 3:13

Otoiyohi iyowinyeciciyapi, qa otoiyohi yecicajujupi kta, tuwe wicaśta tokeca on taku śihda kinhan, Messiya kin nicicajujupi kin he iyecen niś econ po.

II. Thessalonike 3:3

Tuka Itancan kin he wacinyepica, he niyusutapi, qa taku śica etanhan enihdakupi kta.

II. Timotheos 4:18

Nakun Itancan kin wicoḣan śica owasin etanhan emahdaku kta, qa wokiconze maḣpiya ekta un kin he en nimaye kta. He iye wowitan owihanke wanin kiciun nunwe.

Jakob 2:13

Tuwe waonśida śni kin he wowaonśida wanin woyaco ecedan qupi kta; qa wowaonśida woyaco kin kapeya iyuśkin ece.

Wayuotanin 2:10

Token nicakije kte cin ihnuhan taku koyakipe cin. Iho, Wakanśica niyepi wanjikji wicakaśka tipi kin en iyeniyanpi kta, iniyukcanpi kta e heon; unkan anpetu wikcemna hehanyan wokakije duhapi kta; tuka wicaṭe cin hehanyan wicaka wo, kinhan wiconi wateśdake wan cic̣u kta.

Wayuotanin 3:10

Woape oie mitawa kin he awandake cin, heon tohan taku wawiyutanyan un kin tona maka owancaya unpi kin iyutanwicaye kta u kinhan, hehan awanciyake kta.