Lukas 11:39 - Dakota Wowapi Wakan Kin

³⁹ Unkan Itancan kin heciya; Niye Pharisee kin, miniyatkan wakśica ko akapatanhan duskapi ece; tuka mahen tanhan wawicakipi wicoḣan śica ko onijupidan ece.

Lukas 11:39 Iomraidhean Croise

Mattheos 15:19

Wicacante kin eciyatanhan wicotawacin śica hiyu ece; tinwicaktepi, wawiciḣaḣapi, wiinaḣmanpi, wamanonpi, woitonśni qa wicayaśicapi kin.

Mattheos 7:15

Wicaśta wokcan itonpiśni kin hena kowicakipa po; hena taḣinca wanunyanpi iyecen koyag en nihipi, tuka mahen śunktokeca wayapota ece kin hecapi.

Lukas 16:15

Unkan hewicakiya; Wicaśta kin wicitokam ihdaowotanpidan kin he niyepi; tuka Wakantanka nicante ozepi kin he sdonniyanpi ce: ecaeś wicaśta ekta taku takudapi ḣince cin hee Wakantanka waḣteda śni ece.

Lukas 7:13

Unkan he Itancan kin wanyake c̣ehan, onśida qa heciya; Ceye śni wo.

Lukas 7:19

Hehan Johannes waonspewicakiye cin nom wicakico, qa Jesus ekta ye wicaśi, qa heya; Tuwe u kte ciqon he niye, qa iś wanji tokeca unkapepi kta he.

Johannes 12:6

He wamanon heca, qa mazaska opiye yuhe c̣a, ohna mazaska omnayan, heon hecen eya; wowaḣpaninca kin incantowicahnake cin heon heye śni.

Johannes 13:2

Wotapi ayaśtanpi hehantu; Judas Iskariot Simon cinhintku kin hee, Jesus wiyopeye kte cin, Wakanśica wanna hecen cante ozekiya.

Olianyanpi kin 5:3

Tuka Inyan heciya; Ananias, tokeca e Woniya Wakan kin oiyaton kte śni e Satan nicante kin en ocowasin iyoḣpaya, qa maga iyopeyapi kin apa anayakiḣman he;

Galatia 1:14

Qa mitaoyate kin en tona om akinimaskokeca kin hena ota Juda wicoḣan kin en kawicawape c̣a, mihunkakepi wohdakapi qon iyotan nina tewaḣinda.

II. Timotheos 3:5

Wakantanka awacinpi kin wiyacinpi kin yuhapi, tuka wowaśake kin he wicadapi śni; tona hececapi kin hena etanhan ihdamna wo.

Titos 1:15

Tona ecedan unpi kin hena taku owasin ecedan yuhapi, qa tona aśapapi qa wicadapi śni kim hena taka ecedan kin takudan yuhapi śni, tuka tawacinpi nagipi ko hena ee kaeś aśapapi.

Jakob 4:8

Wakantanka ikiyedan u po, hecen iś nikiyepidan u kta. Waḣtanipi sa, nape hdujaja po; qa wacin ninonpapi kin, cante hduecepidan po.