Lukas 11:36 - Dakota Wowapi Wakan Kin

³⁶ Heon nitancan kin ocowasin iyoyanpa ojudan, qa tuktedan otpaze śni ehantanhan, petijanjan wan yeḣya ide iyoyamniyan kin he iyecen ocowasin iyoyanpa ojudan kta ce.

Lukas 11:36 Iomraidhean Croise

Mattheos 13:52

Hehan hewicakiya; Heon etanhan wowapi kaga otoiyohi, maḣpiya wokiconze on onspekiyapi kin, he wicaśta wan tipi yuhe c̣a, mazopiye tawa kin etanhan taku teca tannika ko ikikcu ece kin he iyececa.

Mattheos 5:15

Nakun petijanjan ideyapi qa koka oḣdateya iyeyapi śni, tuka petijanjan ihupa wan en ośtanpi, hecen tipi kin ohna owasin iyoyamwicaya ece

Lukas 11:35

Hecen iyoyanpa en niun kin he otpaze kte śni e wakta wo.

Lukas 11:37

Unkan heya icunhan Pharisee wan kico: hecen en i, qa wote kta iyotanka.

II. Korinth 4:6

Wakan tanka iyoyanpa kin otpaza etanhan yege śi qon he uneantepi kin iyoyamunyanpi, Jesus Messiya itohnako kin eciyatanhan, Wakantanka towitan wosdonye iyoyanpa kin unqupi kte cin heon.

Ephesos 4:14

Hecen detanhan hokśiyoqopa aptanptan iyeyapi, qa woonspe tate owasin on kaha iyeyapi kin heuncecapi kte śni, wicaśta ośkiśkeya oḣanyanpi, qa wohnaye on wicahnayanpi wicoḣan kin eciyatanhan;

Kolosse 3:16

Messiya oie kin wijinya en niunpi nunwe; woksape owasin on, Psalm, qa odowan, qa wakan dowanpi kin en, otoiyohi wahokonyeciciyapi, qa onspeyeciciyapi kta, qa nicantepi kin en wowaonśida yuha Itancan kin iyadowanpi kta.

Hebrew 5:14

Tuka tona tankapi, qa wanna taku utapi on tanyan ihduśtan pi, taku waśte, taku śica ko iyukcanpi kin, hena waconica yutapi ece.

Jakob 1:25

Tuka tuwe wicoope on tawaic̣iyapi yuśtanpi kin he opaḣta yanke c̣a, en un kinhan, tuwe naḣon qa akiktonje cin heca śni, tuka wicoḣan econ kin heca, hee e taku econ kin en yawaśtepi kta.

II. Inyan 3:18

Tuka wowaśte kin en, qa nakun Itancan unyanpi Wanikiya Jesus Messiya sdonyapi kin en icaga po. Iye kin wowitan nakaha qa owihanke wanica kiciun nunwe. Amen.