Lukas 11:13 - Dakota Wowapi Wakan Kin

¹³ Hecen niś niśicapi kin, nicincapi taku waśteśte wicayaqupi kte cin he onnispepi ehantanhan, iś iyotan maḣpiya Ateyayapi kin tona Woniya Wakan kidapi kinhan wicaqu kta ce, eya.

Lukas 11:13 Iomraidhean Croise

Mattheos 5:16

He iyecen wicaśta itokam iyoyanpa nitawa iyojanjan kta, hecen wicoḣan waśte nitawa wanyakapi kta, qa maḣpiya ekta ateyayapi yanke cin he yuonihanpi kta.

Mattheos 5:45

Hecen Ateyayapi maḣpiya ekta un kin he cincaniyanpi yaunpi kta; he qe anpetu wi tawa kin wicaśta śica wicaśta waśte ko en awicahinanpeya ece, qa wicaśta owotanna owotanna śni ko awicamagajuya ece.

Mattheos 6:14

Niye wicaśta waḣtanipi wicayecicajujupi kinhan, Niyatepi maḣpiya ekta un kin he nakun niye nicicajujupi kta.

Mattheos 6:30

Unkan tinta peji, dehan icage c̣a heyakecinhan oceti en eḣpeyapi ece kin, he Wakantanka hecen koyagya hecinhan, niś niye wacinyan nicistinpidan, sanpa wakoyagniyanpi kte śni he.

Mattheos 6:32

Taku kin hena owasin Ikcewicaśta akitapi ece; qa Niyatepi maḣpiya ekta un kin he dena takuowasin yacinpi esdonya ece.

Mattheos 7:11

Heon etanhan niye niśicapi eśta, taku waśte nicinca wicayaqupi kta onnispepi ehantanhan, Niyatepi maḣpiya ekta un kin he, sam iyeya tona kidapi kin, taku waśteśte wicaqu ece e kta.

Lukas 11:12

Qa iś witka wanji da kinhan sinteḣda wan qu kta he.

Lukas 11:2

Unkan hewicakiya; Ceyakiyapi kinhan kaken eya po; Ateunyanpi maḣpiya ekta nanke cin, nicaje wakandapi nunwe: Nitokiconze kin u kte: Maḣpiya ekta nitawacin econpi kin he iyecen maka akan econpi nunwe.

Lukas 18:7

Unkan Wakantanka tona wicakaḣnige, c̣a anpetu hanyetu ko cekiyapi kin, hena tehan towicakicic̣on śni qeyaś, ocim econ kte śni he.

Johannes 4:10

Jesus ayupte c̣a heciya; Wakantanka taku wicaqu kin he, qa, Mini maqu wo, eniciye cin he time kin sdonyaya unkanś, niye yakida kta, kinhan mini wiconi kin nic̣u kta tuka ce.

Olianyanpi kin 2:38

Hehan Inyan hewicakiya; Ihduecetu po, qa woaḣtani nicicajujupi kta e on Jesus Messiya caje kin on baptem nic̣upi kta; kinhan Woniya Wakan ituniciḣanpi kin he iyacupi kta.

Roma 5:17

Wicaśta wanjidan waḣtani kin on etanhan wanjidan eciyatanhan wiconṭe ounyan hecinhan, he sam iyeya tona wowaonśida untkana, qa wicoowotanna wicaqupi kin icupi kin hena, wanjidan, Jesus Messiya kin hee, e eciyatanhan wiconi kin en ounyanpi kta.

Roma 7:18

Miye en, miceḣpi kin he waka, taku waśte en maun śni e sdonwakiya Ic̣iconzapi kin he iyemicihantu, tuka token taku waśte ecamon kte cin iyewakiye śni.

Roma 8:32

Tuwe iye Cinhintku kin kpatan śni, tuka unkiyepi owasin on kpagan qon, he iye kici taku owasin iyakicuya unqupi kte śni he.

Titos 3:3

Ehanna unkiś eya wacin untonpi śni, qa waanaungoptanpi śni, unhnayanpi, qa cantiheyapi śica ota, qa iyokipiic̣iyapi kin en wowidake unyakonpi, wocanniye, icekinpi ko en unnipi, waḣte śni unyakonpi, qa otoiyohi śiceunkicidakapi.