Lukas 10:9 - Dakota Wowapi Wakan Kin

⁹ Qa wayazanka en unpi kin hena asniwicaya po, qa, Wakantanka tokiconze kin he kiyedan nihiyohipi ce, ewicakiya po.

Lukas 10:9 Iomraidhean Croise

Mattheos 3:2

Qa heya; ihduecetu po, maḣpiya wokiconze kin wanna kiyedan u ce.

Mattheos 4:17

Unkan hetanhan Jesus woyaka aye c̣a heya ece; Ihduecetu po, maḣpiya wokiconze kin wanna kiyedan u ce.

Markos 4:30

Hehan heya; Taku e Wakantanka tokiconze kin iyececa unyawapi kta he; qa wiyacinpi kin tukte e on unkiyacinpi kta he.

Markos 6:13

Qa taku wakan śica ota napewicayapi, qa wayazankapi kin ota wihdi on sdawicayapi qa asniwicayapi.

Lukas 10:10

Qa tukte otonwe wanji en yaipi qa iyowinniciyapi śni kinhan, otonwe kin he canku kin en hdicupi qa heya po;

Lukas 10:11

Nitotonwepi watuśekśeca ountkapapi kin hee kaeś itkom unnicicatatapi ce; tuka Wakantanka tokiconze kin he kiyedan nihiyohipi kin sdonya po.

Lukas 9:2

Qa Wakantanka tokiconze kin oyakapi kta, qa wayazankapi kin asniwicayapi kta ye wicaśi.

Johannes 3:3

Unkan Jesus ayupte c̣a heciya; Wowicake, wowicake eciyatanhan heciciya, Wicaśta kin wankantanhan teca nien tonpi śni kinhan Wakantanka tokiconze kin wanyaka okihi kte śni.

Johannes 3:5

Unkan Jesus ayupte; Wowicake, wowicake eciyatanhan heciciya, Wicaśta kin mini qa Woniya kin on tonpi śni kinhan Wakantanka tokiconze kin en tin iyaya okihi kte śni ce, eya.

Olianyanpi kin 28:28

Hecen on he sdonya po, Wakantanka wiconi tawa kin Ikcewicaśta kin wicaqupi, unkan hena iś naḣonpi kta ce.

Olianyanpi kin 28:31

Wakantanka tokiconze kin yaotanin, qa Jesus Messiya Itancan taku tawa kin wuditagya oyaka ece, tuwedan teḣinda śni.