Lukas 10:42 - Dakota Wowapi Wakan Kin

⁴² Tuka taku wanjidan cinpic̣a; unkan Mary taku waśte kin he kaḣniga, he icimana kipi kte śni ce.

Lukas 10:42 Iomraidhean Croise

Markos 8:36

Qa wicaśta wan maka kin de ocowasin ohiya eśta, qa iye nagi kin toki eḣpekiye cinhan, taku on iwaśte kta he.

Lukas 10:39

Unkan he tankaku kin, Mary eciyapi kin he Jesus siha kin en iyotanke c̣a, oie kin naḣon ece.

Lukas 11:1

Unkan tukten cekiya un, qa ayaśtan qehan waonspewicakiye cin wanji heciya; Itancan, wocekiye eya onspeunkiya po, Johannes waonspewicakiye cin onspewicakiye ciqon he iyececa.

Lukas 12:20

Tuka Wakantanka heciya; Winitkotkoke cin, hanyetu kin de ninagi kin inicicupi kta; hecen wayehnake cin hena hehan tuwe tawa kta he.

Lukas 12:33

Taku yatonpi kin wiyopekiya po, qa wicaqu po. Wojuha kukaka aye kte śni, maḣpiya ekta woyuha owihanke kte śni hena ic̣icaga po; heciya wamanon sa kiyedan u śni, qa wamduśkadan wayapote śni ece.

Lukas 16:2

Hehan kico qa heciya; Taku eniciyapi kin de toketu he; waawandake cin ito ohdaka wo; wanna waawandake cin aduśtan kta ce.

Lukas 16:25

Tuka Abraham heya; Cinś, yani qon he ehan taku waśteśte yahduha, qa Lazaros taku śikśica yuha, he kiksuya wo; tuka nakaha iye kicanptapi qa niye kakiśniyanpi.

Lukas 18:22

Unkan Jesus hena naḣon qehan heciya; Nahanḣin taku wanji iyotpani yaun; taku yaton kin owasin wiyopekiye c̣a waḣpanicapi kin wicakipamni wo, kinhan maḣpiya ekta woyuha duhe kta ce; hehan u qa mihakam un wo.

Lukas 8:18

Heon token nayaḣonpi hecinhan itonpa po; tuwe wayuhe cin he nakun qupi kta; qa tuwe wayuhe śni kin he taku yuha kecin kin hee ikicicupi kta ce, eya.

Johannes 11:1

Unkan wicaśta wan wayazanka, Lazarus eciyapi, Bethani hetanhan, Mary qa cunku Martha totonwepi kin hee.

Johannes 11:19

Unkan Martha Mary kici yukanpi en Juda oyate wicota magagaye wicaipi, hunkawanjitkupi kin heon.

Johannes 12:3

Hehan Mary wihdi waśtemna qa taku ota iyopeyapi, tke utapi wanjidan, he icu qa on. Jesus siha kin sdakiye c̣a, iye paha kin on siha kipakinta; unkan ecamna kin tipi kin ojudan.

Johannes 17:3

Unkan owihanke wanin wiconi kin he dee, wowicake Wakantanka niye e sdonniyanpi kta, qa Jesus Messiya uyaśi qon.

Johannes 4:14

Qa tuwe mini waqu kte cin etanhan yatke cin icimana ipuza kte śni. Tuka mini waqu kte cin he owihanke wanin wiconi iyahdeya kaduze kta, eya.

Johannes 5:24

Wowicake, wowicake eciyatanhan heciciyapi, Tuwe mioie kin anagoptan, qa u maśi kin he awacin kinhan, owihanke wanin wiconi yuhe kta; qa woyaco en i kte śni, wanna wiconṭe etanhan wiconi ekta e i.

Johannes 6:27

Taku yutapi on wicatakuni śni heon ḣtanipi śni po; tuka taku yutapi owihanke wanin wiconi hehanyan kte cin hee on ḣtani po, he Wicaśta Cinhintku kin nic̣upi kta; Wakantanka Ateyapi kin wanna he askamton.

I. Korinth 13:3

Qa taku mitawa kin owasin won wicayapi kin en wahdusote c̣a, mitancan kin hee kaeś ḣuḣnage kta e waqu eśta, wacanwakiye śni ehantanhan takudan iciyopteya waun śni.

Galatia 5:6

Jesus Messiya en bakiḣdayapi kin he takudan okihi śni, qa nakun bakiḣdayapi śni kin; tuka wacinyanpi wowaśte en oḣanye cin he taku okihi ece.