Lukas 1:68 - Dakota Wowapi Wakan Kin

⁶⁸ Itancan Wakantanka Israel tawa kin he taoyate kin wanna wicahiyohi, qa opewicakiton, on etanhan yawaśtepi nunwe:

Lukas 1:68 Iomraidhean Croise

Lukas 1:71

Hecen tokaunyanpi qa unkiyuśepi kin hena napepi kin etanhan niunkiyapi kta;

Lukas 19:44

Qa makata eḣpeniyanpi kta, nicinca en niunpi kin hena koya; qa inyan nonpa icitakihna wanke śni eḣpeniyanpi kta; anpetu en taku waśte nihiyohipi kin he sdonyakiye śni heon etanhan.

Lukas 2:38

Unkan he hehantudan ḣin en u, qa iś eya Itancan kin yatan, qa Jerusalem en tona opewicakitonpi kin ape unpi kin hena owasin Jesus cajewicakiyata.

Lukas 24:21

Tuka Israel opewicakiton kte cin hee unkiś unkecinpi tuka; unkan heconpi kin ehantanhan wanna anpetu kin de iyamni.

Lukas 7:16

Unkan owasin nina wikopapi, qa Wakantanka yatanpi qa heyapi; Waayate wanji tanka unkiyopeyapi icaga ce, qa Wakantanka taoyate kin wanna wicahiyohi ce, eyapi.

Ephesos 1:3

Jesus Messiya Itancan unkiyapi Wakantanka tawa, qa Atkuku kin yawaśtepi nunwe; he iye Messiya en taku maḣpiya tanhan un kin wowaśte wakan ocaje owasin on unyuwaśtepi:

Ephesos 1:7

He on wopekitonpi kin unhapi, iye we kin on, woaḣtani kajujupi kin hee, iye towaonśida tanka kin eciyatanhan:

Hebrew 9:12

Tatokadan qa ptejicadan we kin yuhe śni, tuka wopekitonpi owihanke wanin kage c̣a, iye we kin hduha wancadan tipi iyotan wakan kin timahen iyaya.

I. Inyan 1:3

Wakantanka, Jesus Messiya Itancan unyanpi Atkuku kin he yawaśtepi nunwe; iye towaonśida ota eciyatanhan Jesus Messiya wicaṭe cin etanhan kinikiye ciqon he on wowacinyan ni un kin en piya icaḣunyanpi;