Lukas 1:65 - Dakota Wowapi Wakan Kin

⁶⁵ Unkan okśan tipi kin owasin wikopapi: unkan iapi kin dena owasin Juda hośki kin owancaya yaotaninpi.

Lukas 1:65 Iomraidhean Croise

Mattheos 2:1

Unkan Herod wicaśtayatapi taanpetu kin he ehan, Bethlehem Juda makoce kin en Jesus tonpi, hehan iho, wiyohiyanpatanhan wicaśta ksapa Jerusalem en hipi qa heyapi;

Lukas 1:39

Unkan anpetu kin hena en Mary inajin, qa koyaḣanna ḣośki makoce kin, Juda otonwe wan ekta iyaya:

Lukas 2:18

Unkan taḣincaska awanwicayakapi taku yaotaninpi kin he tona naḣonpi kin owasin yuśinyayapi.

Lukas 5:26

Unkan owasin inihanpi, qa Wakantanka yatanpi; qa wikopapi ḣince, c̣a heyapi; Wicoḣan nakaka toktokeca wanunyakapi ce, eyapi.

Lukas 7:16

Unkan owasin nina wikopapi, qa Wakantanka yatanpi qa heyapi; Waayate wanji tanka unkiyopeyapi icaga ce, qa Wakantanka taoyate kin wanna wicahiyohi ce, eyapi.

Olianyanpi kin 19:17

Unkan tona Ephesos en yukanpi kin, Juda qa Helenes oyate kin owasin he sdonyapi; qa wokokipe owasin awicahinḣpaya, unkan Jesus Itancan caje kin yatanpi.

Olianyanpi kin 2:43

Unkan wicaśta owasin nina yuśinyayapi; unkan yewicaśipi kin taku wakanyan econpi qa wowapetokeca ota econpi ece.

Olianyanpi kin 5:11

Unkan okodakiciye kin ocowasin, qa tona hena taka kin naḣonpi owasin nina wikopapi.

Olianyanpi kin 5:5

Unkan Ananias hena oie kin naḣon qehan, hinḣpaye c̣a ṭa iyaya. Unkan tona hena taku kin naḣonpi kin owasin nina wikopapi.

Wayuotanin 11:11

Unkan anpetu yamni qa wanji hanke iyohakam, wiconi oniya kin Wakantanka eciyatanhan hena mahen iwicayaya; qa siha on najinpi, unkan tona wanwicayakapi kin nina yuśinyayapi.