Lukas 1:6 - Dakota Wowapi Wakan Kin

⁶ Hena sakim Wakantanka itokam owotanpidan, qa Itancan tawoahope qa wicoope tawa kin owasin omanipi, iyaonpepica śni unpi.

Lukas 1:6 Iomraidhean Croise

Lukas 1:7

Unkan Elisabeth hokśin yuhe śni un, qa hecen cinca nicapi; unkan sakim wanna kanpi.

Lukas 16:15

Unkan hewicakiya; Wicaśta kin wicitokam ihdaowotanpidan kin he niyepi; tuka Wakantanka nicante ozepi kin he sdonniyanpi ce: ecaeś wicaśta ekta taku takudapi ḣince cin hee Wakantanka waḣteda śni ece.

Lukas 2:25

Unkan iho, Jerusalem en wicaśta wan Simon eciyapi; he wicaśta owotanna qa cekiya ece kin heca, qa Israel Wokicanpte kin ape un; unkan Woniya Wakan kin kici un.

Olianyanpi kin 2:25

Dawid he ke c̣a, kaken eya; Ohinniyan mitokam Jehowa wanmdaka, mietapa kin ekta yanke, heon pahoho śni waun kta.

Olianyanpi kin 23:1

Unkan Palos omniciye kin opawicuḣta yanke c̣a, Wicaśta hunkawanjin ciyapi, Wakantanka itokam mitawacin oc̣owasin waśte, anpetu kin dehan wani, eya.

Olianyanpi kin 24:16

Heon Wakantanka, qa nakun wicaśta kin en tawacin takudan iyaonpepica śni waun kta e ohinniyan opimiciya ce.

Olianyanpi kin 8:21

Wicoie kin de en oyape śni qa takudan nitawa śni; Wakantanka itokamya nicante kin owotanna śni.

Roma 8:4

Hecen tona wicaceḣpi kin eciyatanhan maunnipi śni, tuka Woniya eciyatanhan, unkiyepi en woope wicoowotanna kin ecetu kta.

I. Korinth 11:2

Mihunkawanji, ciyatanpi e, taku owasin on miyeksuyapi, a woope cic̣upi qon eceḣin duhi i kin heon etanhan.

II. Korinth 1:12

Unkiyuśkinpi kin he unnagipi hdaotanin kin hee, wowicake wowakan ko en okonwanjidan, wicaceḣpi woksape yuhe śni, tuka Wakantanka towaonśida yuha, wicoicage kin ehna unnipi, qa niyepi kin ekta iyotan hececa.

Philippi 2:15

Hecen iyaonpepica śni, qa owotanna, wicoicage wan pemni, qa yukśankśanyan un kin ehna Wakantanka cinca ecedan yaunpi kta; hena en maka petijanjan iyecen iyoyanpa yaunpi;

Kolosse 1:22

Iye ceḣpi tancan kin en ṭe cin eciyatanhan, hecen iye itokam owotanna, qa waaśapapi śni qa takudan iyaonpepica śni, inajin niyanpi kta:

I. Thessalonike 3:13

Qa heon wowakan en nicantepi kin iyaonpepica śni niciyusutapi kta, Wakantanka Ateunyanpi kin itokam, tohan Jesus Messiya Itancan unkiyapi kin tona wicayuwakan kin owasin om hi kinhan.

II. Inyan 3:14

Heon etanhan, waśtecicidapi kin, taku hececa ayapepi kin heon aic̣iciya po, hecen iye wookiye en aśape śni qa iyaonpepicaśni iyeniyanpi kta.

I. Johannes 2:29

Iye owotanna un sdonyayapi kinhan, tuwe woowotanna econ kin he iye kin eciyatanhan wanna teca nien tonpi o nakun sdonya po.

I. Johannes 2:3

Unkan deciyatanhan iye kin wanna sdonunyanpi e sdonunkiyapi, tawoahope unkokicipapi kinhan.

I. Johannes 3:7

Hokśiyopa cikcistinpidan, ihnuhan tuwe nihnayanpi kinhan; tuwe taku owotanna econ ece kin he owotanna, iye kin owotanna un kin iyececa.