Lukas 1:32 - Dakota Wowapi Wakan Kin

³² Iye tanka kta, qa Iyotan Wankantu kin Cinhintku kin eciyapi kta; qa atkuku Dawid tohe kin Wakantanka Itancan kin hduhekiye kta.

Lukas 1:32 Iomraidhean Croise

Mattheos 1:1

Jesus Messiya, Dawid cinhintku, Abraham cinhintku, oicage wowapi kin he dee.

Mattheos 12:42

Itokaḣ wicaśtayatapi winoḣinca qon he woyaco kin en inajin kta, qa wicoicage kin de yaco kta; eqe Solomon toksape naḣon kta on maka ihanke kin etanhan u tuka; unkan iho, wanji Solomon isanpa tanka den un.

Mattheos 28:18

Unkan Jesus en wicahi owawicakiye c̣a heya; Maḣpiya ekta qa maka akan wowaśake ocowasin maqupi:

Mattheos 3:11

Miye nihduecetupi kta on mini on baptem cic̣upi; tuka wanji iyotan waśaka mihakam u, he tahanpe kin weciyuhe kta iyemicihantu śni; he qe Woniya Wakan qa peta on baptem nic̣upi kta.

Markos 14:61

Tuka iye inina un qa takudan ayupte śni. Ake wośna kagapi itancan kin wiwange c̣a heciya; Messiya, Iyotan Waśte Cinhintku kin he niye he.

Markos 5:7

Qa hotankakiya hotanin qa heya; Jesus Wakantanka Tehanwankantu Cinhintku kin, taku e unkiyotahedan un he; Taku Wakan cajeyan ceciciya, kakiśmayaye kte śni.

Lukas 1:15

Qa iye Itancan kin itokam tanka kta; qa miniśa miniwakan ko takudan yatke kte śni; qa hunku ikpi kin etanhan Woniya Wakan kin on ojudan kta.

Lukas 1:35

Unkan ohnihde wakan kin waayupte c̣a heciya; Woniya Wakan kin en niu kta, qa Iyotan Wankantu towaśake kin aohanziniye kta, qa hecen taku wakan wan yaton kte cin he Wakantanka Cinhintku kin eciyapi kta.

Lukas 1:76

Qa niye, hokśiyoqopa, Wicasta wokcan Iyotan Wankantu tawa kin eniciyapi kta; Itancan tacanku kin wiyeya yecage kta on ite kin itokam de kta;

Lukas 3:16

Hehan Johannes waayupte c̣a owasin hewicakiya; Awicakehan mini on baptem cic̣upi; tuka wanji mikapeya waśaka u, he iye tahanpe hankpan kin weciyuśke kta iyemacece śni; he qe Woniya Wakan peta ko on baptem nic̣upi kta.

Lukas 6:35

Tuka niś tona tokaniyanpi kin cantewicakiya po, taku waśte econpi qa owicaqu po, ake taku nic̣upi kta kecinpi śni po; kinhan wokajuju tanka duhapi kta, qa Iyotan Wankantu kin he cinca yaunpi kta: he iye tona pida śni qa śicapi kin cantewicakiya ece.

Johannes 12:34

Oyate kin ayuptapi; Woope kin eciyatanhan, Messiya owihanke wanin un kta ce, eyapi naunḣonpi; hecen, Wicaśta Cinhintku kin wankan ehdepi kta ce, token on hecen eha he; Wicaśta Cinhintku kin he tuwe he.

Johannes 6:69

Qa Messiya Wakantanka ni un Cinhintku kin he niye e wicaundapi qa sdonunyanpi ye, eya.

Olianyanpi kin 16:17

He Palos unkiyepi ko unkihakam u, qa; Wicaśta kin dena Wakantanka tehan wankantuya un kin taokiye wicaye cin, wiconi canku kin unkokiyakapi kin hena eepi ce, eya hoyekiya.

Olianyanpi kin 2:30

He wicaśta wokcan kin heca, qa Wakantanka wokonze on konza, wicaceḣpi eciyatanhan iye tancan aicage kte cin he etanhan Meesiya, iye oiyotanke kin akan iyotanke kta e icaḣye kta he sdonya.

Olianyanpi kin 2:36

Heon etanhan, Israel tiyohnaka owasin, de tanyan sdonya wo, Jesus icipaweḣ oyakatanpi qon, hee Wakantanka Itancan qa Messiya kaga ce.

Olianyanpi kin 7:48

Hececa tuka, Iyotan Wankan un kin tipi wicanape on kagapi kin ohna ti śni; wicaśta wokcan hecen eye ciqon;

Roma 1:4

Qa wowaśake on Wakantanka Cinhintku kin hee e yuotaninpi, Woniya Wakan kin eeiyatanhan, wiconṭe etanhan piya ikicage cin he en;

Wayuotanin 3:7

Unkan Philadelphia ekta okodakiciye ohnihde yuhapi kin he ecen wowapi kicaga wo; Tuwe wakan qa wicaka un, qa Dawid tiyopa iyuḣdoke kin yuhe c̣a, yuḣdoka eca tuwedan ecen iyeye śni, qa ecen icu eca tuwedan yuḣdoke śni ece kin hee hecen eya;