Lukas 1:2 - Dakota Wowapi Wakan Kin

² Tona otokahe ehantanhan iśta on wanyakapi qa wicoie oyakapi ece kin hena token unkokiyakapi qon he iyececa:

Lukas 1:2 Iomraidhean Croise

Markos 1:1

Jesus Messiya Wakantanka Cinhintku kin Wotanin Waśte tawa tokaheya kin he dee.

Markos 16:20

Unkan hena iyayapi, qa owancaya woyakapi; qa Itancan kin wicoḣan tanka econwicakiye cin on wicoie kin yuecetu ece. Amen.

Markos 4:14

Tuwe woju kin he wicoie kin oju ece.

Lukas 24:48

Qa taku kin dena oyakapi kte cin he niyepi ce.

Johannes 15:27

Qa niś nakun omayadakapi kta, toka ehantanhan miyahna yaunpi qon heon.

Johannes 16:4

Tuka dena ociciyakapi, hecen tohan iyehantu kinhan, dena wanna eciciyapi kin he yeksuyapi kta. Qa dena otokahe ekta eciciyapi śni, hinyaḣin cicipi waun kin heon etanhan.

Olianyanpi kin 1:3

Iye kakije cin iyohakam hena eqe en ni un taninic̣iya, woyuotanin ota on, anpetu wikcemna topa hehanyan wanyagic̣iya, qa Wakantanka tokiconze taku tawa kin cajehdata ece;

Olianyanpi kin 1:8

Tuka Woniya Wakan kin en nihipi kinhan, wowaśake duhapi kta; hehan Jerusalem en, qa Juda makoce kin owancaya, qa Samaria qa maka ihanke kin hehanyan mayadaotaninpi kta ce.

Olianyanpi kin 14:25

Qa Perge en wicoie kin oyakapi qehan, Atalia ekta apamahde iyayapi.

Olianyanpi kin 16:6

Unkan Phrugia qa Galatia makoce kin opta iyayapi, qa Asia en wicoie kin oyakapi kte cin Woniya Wakan kin teḣinda qchan;

Olianyanpi kin 17:11

Hena iś Thesalonike oyate kin sam iyeya wacin ksapapi, wicoie kin tawacin inaḣni on icupi, qa hena hecetu e sdonyapi kta, heon anpetu iyohi wowapi wakan kin en akitapi ece.

Olianyanpi kin 26:16

Tuka inajin, qa nisiha kin on najin wo; token wandake c̣a, tokata taku wanyag ciciye kte cin hena en waayatanin, qa ookiye kin cicage kta e heon nakaha wanmayag ciciya.

Olianyanpi kin 4:20

Taku sdonunyanpi qa naunḣonpi qon hena oyake śni unyakonpi kta e unkokihipi śni.

Olianyanpi kin 8:4

Heon etanhan tona enanaki ya iyayapi qon hena owancaya iyayapi, qa wicoie kin oyakapi ece.

Roma 15:16

Ikcewicaśta ehna Jesus Messiya taokiye kin wanji he miye kta, Wakantanka tawootanin waśte kin on ḣtawani, qa hecen Ikcewicaśta wahdusnapi kin he woiyokipi kta, Woniya Wakan kin on yuwakanpi kin heon.

I. Korinth 4:1

Wicaśta kin kaken ecanunkinpi kta, Messiya iwicadake cin qa Wakantanka tawowiyukcan awanyakapi kin heuncapi.

Hebrew 2:3

Unkiye wiconi hinsko tanka kin unkaktapi śni kinhan, token naunpapi kta he. He tokaheya Itancan kin oyake c̣a, tona naḣonpi kin hena atayedan unkokiyakapi:

I. Inyan 5:1

Miye hunkayapi kin hemaca, qa Messiya kakije ciqon wanmdake c̣a, wowitan yutaninpi kte cin he en owapa, tona hunkayapi yaunpi kin ceciciyapi ce;

II. Inyan 1:16

Jesus Messiya Itancan unkiyapi towaśake qa hi kte cin hena unkoniciyakapi qehan, hitunkakanpi ksamya kagapi kin unkunpi śni, tuka iye tanka ḣince cin he iśta on wanunyakapi.