Lukas 1:17 - Dakota Wowapi Wakan Kin

¹⁷ Qa Elias toksape qa towaśake kin yuha itokam ye kta, qa atewicayapi cincawicayapi kin kici cante wicayuokonwanjidan, qa wanaḣonpi śni kin hena owotanna unpi wicoksape kin ekta wicayuhomni kta; qa oyate wan Itancan on ihduśtanpi kin wiyeya kicihnake kta e heon etanhan.

Lukas 1:17 Iomraidhean Croise

Mattheos 11:14

Qa niś wicada wacannipi hecinhan Elias u kte ciqon he dee.

Mattheos 14:4

Duhe kta iyecece śni ce, Johannes, eciye ciqon.

Mattheos 3:3

Isaya wicaśta wokcan cajeyate ciqon he dee, kaken eya; Wicaho ḣewoskan en hotanin; Itancan tacanku kin wiyeya ehnaka po, ocanku tawa kin owotanna kaga po.

Mattheos 3:4

Unkan Johannes eqe tawokoyake taku wan kamel eciyapi he hin kin on kagapi, qa teḣmiso wan ipiyagkiton; unkan tawoyute kin psipsicadan qa tuḣmaga canhanpi kin hee.

Lukas 1:16

Unkan iye Israel cinca kin wicota Itancan Wakantanka tawapi kin ekta wicayahomni kta.

Lukas 1:76

Qa niye, hokśiyoqopa, Wicasta wokcan Iyotan Wankantu tawa kin eniciyapi kta; Itancan tacanku kin wiyeya yecage kta on ite kin itokam de kta;

Johannes 1:13

Hena wicawe eciyatanhan śni, qa wicaceḣpi tawacin kin eciyatanhan śni, qa nakun wicaśta tawacin kin eciyatanhan śni, tuka Wakantanka eciyatanhan wicatonpi.

Johannes 1:34

He wanmdaka e on mdaotanin; Wakantanka Cinhintku kin hee.

Johannes 3:28

Messiya kin he miye śni, tuka itokam u maśipi ce, epe ciqon he niye sdonyayapi.

Olianyanpi kin 10:33

Heon kohanna wahociya; qa yahi kin he tanyan ecanon. Heon nakaha unkiyepi kin owasin Wakantanka itokam unkanpi, taku Wakantanka eye niśi kin owasin naunḣonpi; kta ce

Roma 9:23

Qa tona wowaonśida wakśica kin otokaheya tanhan wowitan on wiyeya ehnakapi qon, hena en iye towitan wowijice kin hduotanin kta.

Kolosse 1:12

Qa Ateyapi kin wopida eyakiyapi kta, he iyoyanpa ekta tona owotanna un kin woaiḣpeye tawapi kte cin en ounpapi kta e iyehantu unyanpi:

II. Timotheos 2:21

Hecen on, tuwe hena taku kin etanhan itpakinte cinhan, he wakśica waśte kin heca kta, ecedan, qa Itancan kin wowinyunye kta e iyokipi, qa wicoḣan waśte owasin on yuśtanpi:

I. Inyan 2:9

Tuka wicoicage kaḣnigapi, wawayuśnapi wicaśtayatapi, wicoun wakan, qa oyate opewicakitonpi kin he niyepi; hecen tuwe otpaza etanhan, iye iyoyanpa wakan tawa kin en nicopi kin he oḣan waśte kin odakapi kta.

I. Johannes 2:28

Unkan dehan, hokśiyopa cikcistinpidan, iye kici un po; hecen tohan iye ihdutanin kinhan wacinunyanpi kta, qa taninyan hinajin kinhan, itokam unkiśtecapi kte śni.

Wayuotanin 20:4

Unkan oiyotanke kin heca wanmdaka, qa tona akan iyotankapi kin hena woyaco yuhapi. Unkan tona Jesus oyakapi kin on, qa Wakantanka oie kin on pa bawicaksapi qon, wamanica kin wakagapi ko ohodapi śni, qa wowapetogton tawa kin itepi, qa napepi kin en yuhapi śni, hena nagipi kin wanwicamdaka, ake kinipi qa Messiya kin kici ounyanpi, waniyetu kektopawinge hehanyan.