Jakob 5:7 - Dakota Wowapi Wakan Kin

⁷ Heon etanhan, mihunkawanji, Itancan kin hi kte cin hehanyan wacintanka po. Wanyaka po, wicaśta woju ece kin he maka waskuyeca waśte aicage cin hena ape yanke c̣a, on tehan wacintanka, magaju tokaheya qa nakun ehake kin ahinhe kte cin hehanyan.

Jakob 5:7 Iomraidhean Croise

Mattheos 16:27

Wicaśta Cinhintku kin iye Atkuku towitan hduha taohnihdewicaye cin em u kta; hehan wicaśta otoiyohi iye oḣanpi kin eciyatanhan wicaqu kta.

Mattheos 16:28

Awicakehan heciciyapi; Tona den najinpi kin etanhan wanjikji wiconṭe utapi kte śni, ecen Wicaśta Cinhintku kin iye tokiconze kin en u wanyakapi kta.

Mattheos 24:27

Wakanhdi wiyohiyanpa tanhan u, qa wiyoḣpeyata hehanyan tanin hinhda ece, Wicaśta Cinhintku kin hi kte cin he iyecece kta.

Mattheos 24:44

Heon etanhan niś eya wiyeya un po; Wicaśta Cinhintku kin wihiyayedan oape tukte wanji en hi kta, he sdonyayapi śni.

Lukas 18:8

Ihnuhanna towicakicic̣on kta, eciciyapi ce. Tuka Wicaśta Cinhintku kin he tohan hi kinhan, maka akan wacinyanpi iyeye kta he.

Lukas 21:27

Hehan Wicaśta Cinhintku kin maḣpiya śapa wan akan, wowaśake qa wookitanin tanka hduha u wandakapi kta.

Lukas 8:15

Tuka tona wanna wicoie naḣonpi ec̣a, cante waśte qa owotanna mahen yuha unpi, qa wacintankaya sutonpi kin hena maka waśte akan un qon hena eepi ce, eya.

Johannes 21:22

Ake tohan wahi kte cin hehanyan decen un kta wacin eśta, he etanhan initokeca he; niye miyahna u wo, Jesus eciya.

Johannes 21:23

Heon etanhan wicoie kin de hunkawanjinkiciyapi kin wicehna iyaya; waonspekiyapi kin de te kte śni, eyapi kin. Tuka Jesus, He te kte śni ce, eciye śni; tuka, Wahi kte cin hehanyan decen un kta, wacin eśta, he etanhan initokeca he.

Roma 15:4

Taku tona wowapi en kagapi kin hena onspeunkiyapi kte cin heon kagapi, hecen wicowaḣbadan, qa wowapi wakan kin en wicakicanpte cin eciyatanhan woape unhapi kta.

Roma 2:7

Tona wicoḣan waśte en ape yukanpi, qa wowitan, woyuonihan, qa ṭepica śni kin akitapi ece kin hena wiconi owihanke wanice kta:

I. Korinth 1:7

Qa hecen wowaśte wanjidan aokpaniyan yaunpi śni, qa Jesus Messiya Itancan unkiyapi ihdutanin kte cin he ape dukanpi.

Galatia 5:5

Unkiye Woniya kin eciyatanhan wicoowotanna woape kin wacinyanpi on unkapepi ece.

Galatia 6:9

Taku waśte econ unkapinpi śni nunwe; hu unstakapi śni kinhan tohantu kte cin mnaunyanpi kta.

Kolosse 1:11

Iye towitan wowaśake kin eciyatanhan, wicookihi kin owasin on waśagniyanpi kta, wadiwicatake cin owasin on etanhan, qa wacin tankapi, wiyuśkinpi kici:

I. Thessalonike 1:3

Qa wowacinye wicoḣan nitawapi kin, qa wacantkiyapi en ḣtayanipi kin, qa Wakantanka Ateunyanpi kin itokam, Jesus Messiya Itancan unkiyapi kin en ape dukanpi kin hena ohinniyan unkiksuyapi.

I. Thessalonike 2:19

Woape, qa wowiyuśkin, qa wowinkta wateśdake unkitawapi kin he taku he; he niś niyepi śni he; Jesus Messiya Itancan unkiyapi hi kinhan he itokam.

I. Thessalonike 3:13

Qa heon wowakan en nicantepi kin iyaonpepica śni niciyusutapi kta, Wakantanka Ateunyanpi kin itokam, tohan Jesus Messiya Itancan unkiyapi kin tona wicayuwakan kin owasin om hi kinhan.

Hebrew 6:15

Unkan waḣbayedan ape yanke cin he iyohakam taku iwahoyapi qon ekicicetu.

Jakob 4:11

Mihunkawanji, otoiyohi akiciiapi śni po. Tuwe hunkawanjitku aie c̣a hunkawanjitku hdaco kinhan, he woope kin aie c̣a woope kin yaco; tuka woope kin daco kinhan, woope kin ecen econpi kin henica śni, tuka wayaco kin henica.

Jakob 5:10

Mihunkawanji, wicaśta wokcan Itancan caje kin on iapi qon hena kakijapi qa wacintankapi on waonspekiya wicayuha po.

Jakob 5:3

Mazaskazi qa mazaska nitawapi kin gigi aya; qa gigi kin he niyutaninpi kta, qa niceḣpipi kin ihangye kta, peta iyececa. Woyuha anpetu ehake kin amnanic̣iyapi.

II. Inyan 3:4

Qa heyapi kta; Hi kta keyapi qon he tukte e he; wicahunkake iśtinma iḣpayapi ehantanhan otokaheya tanhan taku owasin tokeca śni wanka ce.