Jakob 5:11 - Dakota Wowapi Wakan Kin

¹¹ Wanyaka po, tona wacintankaya unpi kin hena waśte kecanwicunkinpi ece. Job token wacintanka qon he nayaḣonpi, qa Itancan owihankeye cin he wandakapi; Itancan kin waonśida qa wawacinkta yuza tanka.

Jakob 5:11 Iomraidhean Croise

Mattheos 10:22

Qa micaje on owasin śicenidapi kta; tuka tuwe owihanke kin hehanyan sutaya un kinhan he ni kta.

Lukas 1:50

Tona kokipapi kin hena wicoicage qa wicoicage kin onśiwicakida ece.

Lukas 11:10

Tuwe da eca he icu ece; qa tuwe akita eca he iyeya ece; qa tuwe katoto eca he kiciyuḣdokapi ece e kta.

Lukas 6:36

Hecen Niyatepi kin iś token waonśida kin niś eya he iyecen waonśida po.

Roma 2:4

Qa iś iye towaśte wowijice kin ayakta śni he, wacintanka qa wawacinkta yuza tanka koya; qa Wakantanka towaśte kin nihduecetu kta aniye cin hee e sdonyaye śni he.

Ephesos 1:6

Iye towaonśida wowitan yatanpi kte cin on, he iye Waśtekidake cin en waśteundakapi:

Ephesos 2:4

Tuka Wakantanka wowaonśida kin on wijica kin he towaśtedake tanka kin on waśte undakapi kin heon;

Hebrew 10:39

Tuka tona wicotakuni śni ekta icicawin hdapi kin heuncapi śni; tona wacanagi ni kta e on wicadapi kin hena unkiyepi.

Hebrew 3:14

Tokaheya wicaundapi kin he owihanketa sutaya unhapi kinhan, Messiya en ounpapi.

Hebrew 3:6

Tuka Messiya, iye ti kin ocowasin ohna, Cinhintkuyapi kin iyececa; tipi tawa kin he unkiyepi, waditagya wounhdakapi, qa wowiyuskinyan wacinunyanpi kin he owihanketa ṭinsa unhapi kinhan.

Jakob 1:12

Wicaśta iyutanyanpi kin he yawaśtepi ece; tohan tanyan yukcanpi kinhan, hehan wiconi wateśdake, Itancan kin tona waśtedakapi iwahowicaye ciqon, hee icu kta.

Jakob 1:2

Mihunkawanji, taku wawiyutanyan un kin ota ayakipapi kinhan, he wowiyuśkin ocowasin hdawa po:

I. Inyan 1:13

Heon etanhan, nitawacin nisehu kin opta ipiyagkiton po, waktaya un po, qa Jesus Messiya ihdutanin kinhan wowaśte nicaupi kte cin he ape yukan po, owihanke kin hehanyan.

I. Inyan 3:14

Tuka owotanna oḣanyanpi kin on śicaya nicuwapi kinhan, he wowaśte; hecen wokokipe tawapi kin kokipapi śni, qa cante hahayedan yankapi śni po:

II. Inyan 2:9

Itancan kin wicaśta waśte wowiyutanye kin etanhan token ewicahdaku kta sdonya, qa nakun wicaśta owotanna śni kin woyaco anpetu kin hehanyan wicayuhe kta, śitkihdawicayapi kta e heon: