Jakob 4:8 - Dakota Wowapi Wakan Kin

⁸ Wakantanka ikiyedan u po, hecen iś nikiyepidan u kta. Waḣtanipi sa, nape hdujaja po; qa wacin ninonpapi kin, cante hduecepidan po.

Jakob 4:8 Iomraidhean Croise

Mattheos 12:33

Can kin waśte kaga po, kinhan waskuyeca waśte kta; qa iś can kin śica kaga po, kinhan waskuyeca śice kta; can kin waskuyeca tawa kin on sdonyapi ece.

Mattheos 15:2

Tokeca waonspewicayakiye cin hunkawicayapi woope oyakapi qon acakśinpi he; qa aguyapi yutapi kte cinhan nape hdujajapi śni.

Mattheos 27:24

Hecen Pilate takudan okihi śni, qa nina owodutaton icaga he wanyaka, hehan mini icu, qa wicota wicitokam nape hdujaja, qa heya; Wicaśta owotanna kin de we kin miye en amaupi kte śni; niye ito wanyaka po.

Olianyanpi kin 15:9

Qa takudan ocitkonze śni unkagapi, iye cantepi kin nakun wicadapi kin on wicakipakinta.

II. Korinth 7:1

Heon waśtecicidapi kin, wahoyapi kin dena unhapi kin heon wicaceḣpi wicanagi ko taku aśape cin etanhan unhduecepidan, qa Wakantanka kokipeyahan wicoowotanna kin tanyan unhduśtanpi kta.

I. Timotheos 2:8

Heon, wicaśta kin owancaya, wocanniye, waakinicapi ko wanin nape aśape śni kiyugan cekiyapi kta wacin.

Hebrew 10:22

Heon cante wicake ḣinca hduha śogya wacinunyanpi qa ikiyedan unkupi kta, wicanagi śice cin etanhan uncantepi kin unkamnimnipi;

Hebrew 7:19

Woope kin he takudan yuśtan śni, tuka wowacinye iyotan waśte kin he en au; qa heon Wakantanka kin en ikiyedan unkupi.

Jakob 1:8

Wicaśta tawacin nonpa kin he tacanku owasin ohna kaktihanhan un ece.

Jakob 3:17

Tuka woksape wankantanhan un kin he tokaheya ecedan, hehan wokiyapi kaga, waḣbadan, waanagoptan, wowaonśida qa waskuyeca waśte on ojudan, owotanna wiyukcan qa owotanna wohdaka ece.

I. Inyan 1:22

Woniya kin eciyatanhan wowicake anayagoptanpi kin heon nagi nihduskapi, hunkawanjinkiciyapi kin awicakehan waśtewicayadakapi kta, heon cante ecedan on otoiyohi nina waśtekicidaka po.

I. Inyan 3:21

Qa wiyacinpi kin he iyececa, baptem nakaha niunyanpi ece; wicaceḣpi aśape cin yutokan iyeyapi kin hee śni, tuka Wakantanka ekta wawiyukcan waśte waayupte cin hee, Jesus Messiya ihduekicetu kin heon etanhan;

I. Johannes 3:3

Unkan tuwe hecen wacinyan canteyuze cinhan ihduecedan ece, iye kin ecedan un kin iyecen.