Jakob 4:4 - Dakota Wowapi Wakan Kin

⁴ Wiinayaḣmanpi qa wawiciḣaḣapi ecanonpi kin, wicoicage kin de waśtedapi kin he Wakantanka śicedaka e sdonyayapi śni he. Heon tuwe wicoicage kin de wotakuye wacin kinhan, he Wakantanka tokaya.

Jakob 4:4 Iomraidhean Croise

Mattheos 12:39

Tuka iye waayupte c̣a hewicakiya; Wicoicage śice c̣a wawiciḣaḣapi econ sa kin he wowapetokeca da, tuka wowapetokeca wanjidan qupi kte śni, Jonas wicaśta wokcan wowapetokeca tawa kin heceedan kta.

Mattheos 16:4

Wicoicage śice c̣a wawiciḣaḣapi econ sa kin he wowapetokeca wan da; tuka wowapetokeca wanjidan qupi kte śni; Jonas wicaśta wokcan tawowapetokeca kin heceedan. Unkan eḣpewicaya iyaya.

Mattheos 6:24

Tuwedan wicaśta itancan nom anawicagoptan kta okihi śni; wanji śice kidake kta, qa unma kin iś wadte kidake kta: wanji en iyaihdaśke kta, qa unma kin iś en etonwe kte śni: Wakantanka qa mammon napin anagoptan oyakihipi kte śni.

Lukas 19:27

Tuka tokamayanpi iwicawadake kta cinpi śni qon hena den awicaupi qa mitokam wicakte po, eya ce.

Johannes 15:19

Oyate kin enitanhanpi unkanś oyate kin taku iye tawapi waśte kidapi kta; tuka oyate kin henitanhanpi śni, miye e oyate kin etanhan cicaḣnigapi kin heon oyate kin śice nidapi.

Johannes 17:14

Nioie wicawaqu, qa oyate kin śice wicadapika, oyate kin hetanhanpi śni heon etanhan hececa, oyate dematanhan śni he iyecen.

Johannes 7:7

Oyate kin śicenidapi okihipi śni, tuka miye e śicemadapi; wicoḣan tawapi kin hena śica e mdaotanin ece kin heon etanhan.

Roma 5:10

Toka unyakonpi qehan he icunhan, iye Cinhintku ṭe cin eciyatanhan, Wakantanka kici okiciciye unyanpi hecinhan, he sam iyeya kici okiciciya unyakonpi kin, iye ni un kin eciyatanhan ni unyanpi kta.

Roma 8:7

Wicaceḣpi wicotawacin kin he Wakantanka toka ya. He Wakantanka toope kin ope śni, qa nakun ecaca okihi śni.

I. Korinth 1:20

Wacin ksape cin tokiya un he; wowapi kage cin heca tokiya un he; wiconi kin de en wiyukcan kin tokiya un he; Wakantanka wicoicage kin de wicoksape kin yuwitkotko śni he.

I. Korinth 1:21

Hecen Wakantanka toksape kin on, wicoicage kin de wicoksape eciyatanhan Wakantanka sdonyapi śni qehan, wowahokonkiye wowitkotkoke cin on, tona wacinyanpi kinhan hena ni wicaye kta Wakantanka iyokipi.

Galatia 1:10

Wicaśta qa Wakantanka, unma tukte cinwicawakiya he; qa wicaśta kin iyokipiwicawaya awakita he. Wicaśta kin iyokipiwicawaya unkanś, Messiya wowidagmaye kte śni tuka.

Jakob 1:27

Wakantanka qa Ateyapi kin itokam woohodapi opapi ecedan qa aśape śni kin he dee; Wamdenica qa wiwazica kakijapi eca en wicahipi, qa wicoicage kin en taku iyaonpepica śni ihduhapi kin hee.