Jakob 4:12 - Dakota Wowapi Wakan Kin

¹² Woope kage cin he Wanjidan, he wanikiye c̣a nakun waihangya okihi. Wicaśta tokeca daco kin niś nituwe he.

Jakob 4:12 Iomraidhean Croise

Mattheos 10:28

Unkan tona wicatancan ecedan ktepi kta okihipi, qa wicanagi kte okihipi śni kin hena kowicakipapi śni po; tuka tuwe wicanagi wicatancan ko Wakanśica ti kin en ihangye kte cin hee e kokipa po.

Lukas 12:5

Tuka tuwe koyakipapi kte cin he ito kanyehan ociciyakapi kte: Tuwe wicakte, qa hehan wakanśica tipi kin en eḣpewicaya okihi kin he eca kokipa po; han, Hee kokipa po, eciciyapi ce.

Roma 14:13

Hecen on, detanhan otoiyohi unkiciyacopi kte śni, tuka kaken e iyotan wakonza po, tuwedan taku en siha ibotopi, qa on hinḣpaye kte cin he hunkawanjitku kin itokam ehde kte śni.

Roma 14:4

Nituwe he wicaśta tokeca taokiye kin daco he; he iye yu he cin en najin kta qa iś hinhpaye kta. Qa he ecen najin kiyapi kta, Wakantanka najin kiye kta okihi.

Roma 2:1

Heon etanhan wicaśta kin nituwe kaśta, wadaco kinhan iyaonpepica śni yaun kte śni. Taku on wicaśta tokeca daco kinhan he en niye nihdaco, wadaco tuka niś eya he kici taku okonwanjidan ecanon ece.

Roma 9:20

Hiya, wicaśta kin, niś nituwe he, hecen Wakantanka i en hiyeyaya he. Taku kagapi kin he tuwe kage cin, Tokeca hecen mayakaga he, eciye kta he.

Hebrew 7:25

Qa hecen tona iye eciyatanhan Wakantanka en upi kin hena owasin niwicaye kta okihi, hena wocekiye ewicakiciye kta e ohinniyan ni un kin heon.

Jakob 5:9

Mihunkawanji, otoiyohi okiciḣinyanpi śni po, okinni niyacopi kta. Wanyaka po, Wayaco kin he tiyopa kin itokam inajin.