Jakob 4:1 - Dakota Wowapi Wakan Kin

¹ Niyepi ekta wicokicize qa wakinicapi kin tokiyatanhan u he; cantiheyayapi śica nihuhapi en wakis un kin hena eciyatanhan śni he.

Jakob 4:1 Iomraidhean Croise

Mattheos 15:19

Wicacante kin eciyatanhan wicotawacin śica hiyu ece; tinwicaktepi, wawiciḣaḣapi, wiinaḣmanpi, wamanonpi, woitonśni qa wicayaśicapi kin.

Johannes 8:44

Wakanśica ateyayapi kin henitanhanpi, qa niyatepi tawacin kin ecen ecanonpi yacinpi ece. He otokahe etanhan tinwicakte kin heca, qa wowicake kin en najin śni, wowicake takudan en un śni nakaeś. Tohan woitonśni oyaka eca, he iye cinka ohdaka ece; iye kin woitonśni sa, qa woitonśni atkuku kin hee.

Roma 7:23

Tuka mihuha kin en woope tokeca wan wanmdaka, he mitawacin toope kin kici kicize c̣a, woaḣtani woope mihuha kin en un kin he en wayaka amahda.

Roma 7:5

Wicaceḣpi kin en unyakonpi qehan, woaḣtani wocantiheye kin, woope kin eciyatanhan un kin, hena waskuyeca wiconṭe icaḣkiciciye kta e heon unhuhapi kin en oḣanyan.

Roma 8:7

Wicaceḣpi wicotawacin kin he Wakantanka toka ya. He Wakantanka toope kin ope śni, qa nakun ecaca okihi śni.

Galatia 5:17

Wicaceḣpi kin he Woniya kin inakiwizi, qa Woniya kin iś wicaceḣpi kin inakiwizi, qa henaozakiya anokatanhan kicizapi, hecen taku token yacinpi śni kin hena ecanonpi ece.

Kolosse 3:5

Heon etanhan, nihuhapi makata un kin hena kikte po: wiinaḣmanpi, waaśapapi, wawihnupi, tawacinśicapi, waicucupiktecin, he wakagapi ohodapi kin hee.

II. Timotheos 2:23

Tuka wiwangapi okaḣniḣpica śni ecinśniyan kin hena en yeic̣iye śni wo, hena wicokicize kaga esdonyaya.

Titos 3:3

Ehanna unkiś eya wacin untonpi śni, qa waanaungoptanpi śni, unhnayanpi, qa cantiheyapi śica ota, qa iyokipiic̣iyapi kin en wowidake unyakonpi, wocanniye, icekinpi ko en unnipi, waḣte śni unyakonpi, qa otoiyohi śiceunkicidakapi.

Titos 3:9

Tuka witkoya wiwangapi, qa wicoicage oyakapi, qa wawakipajinpi, qa woope akinicapi kin hena okamnayan ya wo; hena takudan okihi śni qa ecinśniyan un.

Jakob 1:14

Tuka wicaśta otoiyohi iye cantiheye śice cin on iyutanpi qa iyakapeyapi ece.

Jakob 4:3

Yadapi tuka iyacupi śni ece, ecinśniyan yadapi kin on, cantiheyayapi śica on dusotapi kte cin heon.

I. Inyan 1:14

Wicacinca waanagoptanpi kin iyenicecapi kta, qa ehanna wasdonye śni yaunpi qehan cantiheyayapi śica ake iyecen nic̣icagapi kte śni.

I. Inyan 2:11

Waśtecicidapi, ceciciyapice, oyate tokeca qa unhdaka unpi kin iyecen wicaceḣpi cantiheyapi kin, wicanagi kin kici kicize cin, hena ayuśtan po:

II. Inyan 2:18

Waḣanḣanic̣idaya takuśniśni eyapi eca, wicaceḣpi cantiheyapi kin eciyatanhan, witkoya oḣanyanpi kin on, tona wohnaye en ounyanpi kin kitan ecinyan nawicakicipapi qon hena iyakapewicayapi ece.

II. Inyan 3:3

Qa de tokaheya sdonya po, anpetu ehake kin en waiḣaḣapi, iye cantiheyapi śica eciyatanhan manipi kin heca hipi kta;