Jakob 3:13 - Dakota Wowapi Wakan Kin

¹³ Enitanhanpi tuwe wicaśta ksape c̣a wiyukcan un he; woksape wowaḣbadan on tanyan aihduhe cin eciyatanhan iye oḣan waśte hdutanin kte.

Jakob 3:13 Iomraidhean Croise

Mattheos 11:29

Can nap̣inpi mitawa kin he icu po, qa miye eciyatanhan onspeic̣iciya po, cante ekta onśimic̣ida qa waḣbayedan waun; hecen ninagipi en woozikiye duhapi kta.

Mattheos 21:5

Zion cunwintku kin heciya po; Iho, Wicaśtayatapi nitawa en niu, waḣbadan qa śonśonna wan akan iyotanka, śukcinca wan, śonśonna cinca kin akan u ce.

Mattheos 5:5

Tona onśiḣanpi kin hena wicayawaśtepi; maka kin de tawapi kta.

Mattheos 7:24

Heon etanhan tuwe mioie kin dena naḣon, qa ecen econ kinhan, he wicaśta ksapa e imdacin kta, he qe imnija wan akan ti kicaga.

I. Korinth 6:5

Iniśtecapi kte cin heon hepa. Niyepi ekta wicaśta ksape c̣a tuwe hunkawanjitkupi kin wiyukcan okihi kte cin wanica he.

II. Korinth 10:1

Palos he miye, Messiya waḣbayedan qa wacintanka heon ceciciyapi ce, niyepi ekta onśiḣanyan waun, tuka en waun śni ehantanhan, niyepi on wadimataka;

II. Korinth 8:24

Heon etanhan, hena en, qa okodakiciye kin wicitokam, wacanyakiyapi kin, qa unniyatanpi qon he nakun wicakipazo po.

Galatia 5:23

Wicotawacin waśte, qa iyatahde ic̣iyapi śni hena ee; qa taku hecece cin woope kin tuktedan iyamya un śni.

Galatia 6:1

Mihunkawanji, wicaśta wan ihnuhanna taku śica en iyoḣpaye cinhan, niye tona owotanna yannpi kin woksape wowaḣbayedan yuha wicaśta kin he ake piya opeya maniya po; qa awanihdaka wo, okinni taku wawiyutanyan un kin en niu nun ce.

Galatia 6:4

Tuka otoiyohi iye oḣan kin awakicin kta, hecen iye qe eciyatanhan, qa tokan tanhan śni, tyuśkin kta.

Ephesos 4:2

Wicotawacin waśte ocowasin qa wicowaḣbadan, wacin tankapi ko yuha, wowaśtedake en otoiyohi iyowinyeciciyapi kta:

Philippi 1:27

Tuka Messiya tawootanin waśte kin eciyatanhan yanipi nunwe; hecen wanciyakapi wau kinhan, qa iś wau śni, unina tukte kaśta, nioḣanpi kin nawaḣon kta, wicotawacin wanjidan en sutaya yaunpi, qa wicanagi wanjidan yuha wotanin waśte kin wacinyan oyecipapi kin.

Kolosse 3:12

Heon etanhan, owotanna yaunpi qa waśtenidakapi kin, Wakantanka wicakaḣnige cin iyecen, wocantekiye koyaka po, qa wowaonśida, waḣanic̣idapi śni, wicowaḣbadan, qa wacintankapi kin hena ko.

I. Timotheos 4:12

Koniśka yaun kin heon tuwedan iwaḣtenida kte śni; tuka tona wicadapi kin hena waonspewicakiya wo, wicoie kin en, wicoḣan kin en, wacantkiyapi kin en, woksape kin en, wacinyanpi kin en, woyuecedan kin en.

I. Timotheos 6:11

Tuka Wakantanka wicaśta tawa kin he niye, hena taku kin nakicipa wo; wicoowotanna, Wakan tanka ohodapi, wacinyanpi, wacautkiyapi, wacintankapi qa wowaḣbadan, hena akita wo.

II. Timotheos 2:25

Qa tona tokaic̣iya unpi kin hena iwahnana wahokonwicakiye kta, okinni Wakantanka ihduecetupi wicaqu kta, hecen wowicake kin iyukcanpi kta.

Titos 3:2

Tuwedan yaśicapi kte śni, qa wicakizapi kte śni, tuka waḣbayedan unpi, qa wicaśta owasin on wacin tankapi kta.

Hebrew 13:5

Waicucupikte cin wanin oyaḣandapi kta, qa taku duhapi kin hena on iyonicipipi nunwe. Tohinni aciyuśtan kte śni qaicimana eḣpeciye kte śni, eye ciqon heon etanhan.

Jakob 1:21

Heon etanhan, wicowaḣteśni kin owasin, qa taku śica iyatahdepi kin eḣpeya po; qa wicoie ninagipi niye kta okihi kin he onśiic̣iya icu po.

Jakob 2:18

Han, tuwe heye kta; Niye wacinyan yaun, qa miye wicoḣan mduha; hecen wacinyaye cin he nioḣan codan makipazo wo, kinhan mioḣan kin on wacinwaye cin he cicipazo kta ce.

Jakob 3:1

Mihunkawanji, wicota waonspekiya unpi śni po; woyaco iyotan tanka unkicupi kta e sdonyayapi.

Jakob 3:17

Tuka woksape wankantanhan un kin he tokaheya ecedan, hehan wokiyapi kaga, waḣbadan, waanagoptan, wowaonśida qa waskuyeca waśte on ojudan, owotanna wiyukcan qa owotanna wohdaka ece.

I. Inyan 1:15

Tuka tuwe nicopi kin he wakan, he iyecen niś eya oyaḣandapi kin ocowasin en niwakanpi nunwe.

I. Inyan 2:12

Qa Ikcewicaśta ehna owotanna oḣanyan po; hecen śicaya econ keniciyapi keś, wiwicawangapi anpetu kin en, nioḣanpi waśte wanyakapi kte cin hena on Wakantanka yaonihanpi kta.

I. Inyan 2:9

Tuka wicoicage kaḣnigapi, wawayuśnapi wicaśtayatapi, wicoun wakan, qa oyate opewicakitonpi kin he niyepi; hecen tuwe otpaza etanhan, iye iyoyanpa wakan tawa kin en nicopi kin he oḣan waśte kin odakapi kta.

I. Inyan 3:4

Tuka wicaśta mahentanhan cante kin ekta, taku ḣwinpica śni kin, tawacin waḣbadan qa inina un, he Wakantanka itokam taku teḣike cin ee.