Jakob 3:1 - Dakota Wowapi Wakan Kin

¹ Mihunkawanji, wicota waonspekiya unpi śni po; woyaco iyotan tanka unkicupi kta e sdonyayapi.

Jakob 3:1 Iomraidhean Croise

Mattheos 10:24

Waonspekiyapi kin he waonspekiya tawa kakipe śni; qa tuwe wowidake un kin he yuhe cin isanpa tanka śni ece.

Mattheos 23:13

Tuka wowapi kagapi qa Pharisee kin, wananic̣iḣmanpi, woteḣi niciyankapi nunwe; wiwazica tipi tawapi ihangyayapi ece, qa wanniyakapi kta on wocekiye hanska ehapi ece; heon etanhan woyaco tanka iyahdeniciyapi kta.

Mattheos 23:14

Wowapi kagapi qa Pharisee kin, wananic̣iḣmanpi, woteḣi niciyankapi nunwe; maḣpiya wokiconze kin wicaśta anawicayeciptapi, niye en dapi kte śni, qa tona en yapi kta cinpi kin teyahindapi ece.

Mattheos 9:11

Unkan Pharisee kin iś he wanyakapi hehan waonspewicakiye cin hewicakiyapi; Tokeca Waonspekiye nitawapi mazaska mnayanpi waḣtanipi sa ko om wota he.

Lukas 16:2

Hehan kico qa heciya; Taku eniciyapi kin de toketu he; waawandake cin ito ohdaka wo; wanna waawandake cin aduśtan kta ce.

Lukas 6:37

Wayacopi śni po, kinhan niyacopi kte śni: owawicakiyepi śni po, kinhan owaniciyepi kte śni: wicakicicajuju po, kinhan nicicajujupi kta:

Johannes 3:10

Jesus ayupte c̣a heciya; Israel en waonspekiye cin henica, tuka dena oyakaḣnige śni he.

Olianyanpi kin 13:1

Unkan Antiyoka ekta okodakiciye kin en wicaśta wokcan waonspekiya ko wanjikji yukan; Barnabas, qa Simeon he nakun Niger eciyapi, qa Lukios Kurene etanhan, qa Manaen, Herod wicaśta ihdawa qon kici icage cin hee, qa Salos.

I. Korinth 12:28

Unkan okodakiciye kin en Wakantanka kakenken ewicahde, tokaheya yewicaśipi kin hena, qa iyokihe wokcanpi, qa iciyamni waonspekiyapi; nehan wicowaśake, hehan waasniyanpi, waokiyapi, itancanpi, qa ceji toktokeca.

II. Korinth 5:10

Owasin Messiya tawoyaco oiyotanke kin itokam taninyan inaunjinpi kta, otoiyohi taku iye tancan kin ohna oḣanye cin hena icu kta, token econ qon eciyatanhan, he waśte qa śica unma tukte kaśta.

Ephesos 4:11

Unkan apa yewicaśipi kin heca wicaqu, qa wicaśta wokcan wanjikji, qa wotanin waśte oyakapi kte cin wanjikji, qa waawanhdakapi waonspekiya ko wanjikji;

I. Timotheos 1:7

Woope kin tokan onspewicakiyapi kta cinpi; tuka taku eyapi, qa taku waditagya oyakapi kin he iyukcanpi śni.

I. Timotheos 2:7

He en eyanpaha qa yeśipi kin heca makagapi; Messiya en wowicake epa, itonśni mawanica; wowacinye wowicake ko Ikcewicaśta onspe wicawakiye kte cin heon.

II. Timotheos 1:11

Heon eyanpaha qa yeśipi kin heca makagapi, Ikcewicaśta wowicawakiyake kte cin heon.

Hebrew 13:17

Tona wahokonniciyapi kin hena anawicakigoptan po, qa wicihukuya yeic̣iya po, hena ninagipi kin on awanniyakapi, ohdakapi kte cin he iyecen; hecan wowiyuśkinyan econpi kta, qa woiyokiśinya econpi kte śni; he niyepi kin on waśte.

Jakob 1:16

Mihunkawanji waśte, ic̣ihnayanpi śni po.

Jakob 1:19

Heon etanhan, mihunkawanji waśte, wicaśta otoiyohi wanaḣon oḣanko kta, ie kapin kta, qa wacintanka kte:

Jakob 3:10

Wicai wanjidan etanhan wayawaśtepi qa wayaśicapi kin hinanpa ece. Mihunkawanji, hena hecetu śni.

I. Inyan 5:3

Wakantanka taku tawa ḣince cin en itancanpi kin iyenicecapi kte śni, tuka optaye kin en waonspekiya yaunpi kta.