Jakob 2:18 - Dakota Wowapi Wakan Kin

¹⁸ Han, tuwe heye kta; Niye wacinyan yaun, qa miye wicoḣan mduha; hecen wacinyaye cin he nioḣan codan makipazo wo, kinhan mioḣan kin on wacinwaye cin he cicipazo kta ce.

Jakob 2:18 Iomraidhean Croise

Roma 14:23

Qa tuwe wicada śni kinhan he yute cinhan wanna yacopi, wacinyanpi kin on hecon śni, heon etanhan. Taku owasin wacinyanpi eciyatanhan śni kin hena woaḣtani.

Roma 3:28

Heon woope wicoḣan codan, wacinyanpi on etanhan, wicaśta kin owotanna yawapi e he unkiyukcanpi.

Roma 4:6

Wicaśta kin tuwe wicoḣan codan Wakantanka wicoowotanna kiciyawa kin wowaśte yuhe cin he Dawid oyake ciqon iyececa:

Roma 8:1

Heon etanhan, nakaha tona Jesus Messiya en un kin, hena wiconṭe iwicayacopi wanin unpi, wicaceḣpi eciyatanhan manipi śni tuka Woniya kin eciyatanhan.

Roma 9:19

Hecen hemayakiye kta nace; Tokeca e nahanḣin wicaba he; tuwe e iye tawacin kin ecetuśniya he.

I. Korinth 13:2

Qa wowiyukcan mduhe c̣a, taku anaḣbeya un kin owasin, wookaḣnige owasin ko, sdonwaye c̣a, wowacinye owasin mduha, on ḣe kin yutokan iyewaye kta owakihi eśta, wacanwakiye śni ehantanhan mataku śni.

II. Korinth 5:17

Hecen tuwo Messiya en un kin he wanna wicaśta teca; taku tannike cin hena enakiyapi; iho, taku owasin teca icaga.

II. Korinth 7:1

Heon waśtecicidapi kin, wahoyapi kin dena unhapi kin heon wicaceḣpi wicanagi ko taku aśape cin etanhan unhduecepidan, qa Wakantanka kokipeyahan wicoowotanna kin tanyan unhduśtanpi kta.

Galatia 5:6

Jesus Messiya en bakiḣdayapi kin he takudan okihi śni, qa nakun bakiḣdayapi śni kin; tuka wacinyanpi wowaśte en oḣanye cin he taku okihi ece.

I. Timotheos 1:5

Wicacante ecedan, wicanagi waśte, qa wacinyanpi wicakapi kin etanhan wacantkiyapi kin he woahope ecetuyapi kin hee.

Titos 2:7

Qa taku owasin on wicoḣan waśte kin en waonspekiya nihdutanin kta; woonspe kin en wayuśice śni, wacinksapa, owotanna;

Hebrew 11:31

Wacinyanpi kin on, Rahab witkowinna kin, tona anagoptanpi śni kin om ihangyapi śni, makoce iwanyag hipi kin hena wookiye on iyowinwicakiye c̣ehan.

Hebrew 11:33

Hena wacinyanpi kin eciyatanhan wokiconze kin ohiyapi, wicoḣan owotanna oḣanyanpi, wahoyapi kin icupi, mnaja kin iohmusyapi;

Hebrew 11:6

Tuka wacinyanpi codan tuwedan iyokipiye kta okihi śni. Tuwe en u kinhan he Wakantanka ni un, qa tona aic̣iciya akitapi kin hena iyunwin wicaqu ece kin he wicada kta.

Jakob 2:14

Mihunkawanji, tuwe wacinyan keya eśta, iyecen wicoḣan yuhe śni kinhan, he taku iyokihi kta he. Wacinyan un kin he niyan okihi he.

Jakob 3:13

Enitanhanpi tuwe wicaśta ksape c̣a wiyukcan un he; woksape wowaḣbadan on tanyan aihduhe cin eciyatanhan iye oḣan waśte hdutanin kte.