Jakob 2:1 - Dakota Wowapi Wakan Kin

¹ Mihunkawanji, Jesus Messiya, wowitan Itancan wacinyanpi kin, on wicaśta iwandakapi kte cin he yuhapi śni po.

Jakob 2:1 Iomraidhean Croise

Mattheos 22:16

Qa iye waonspewicakiyapi kin Herodian hena om ekta yewicaśipi qa heyapi; Waonspekiye, iewicayaka sdonunyanpi, qa awicakehan Wakantanka tacanku kin onspeunyakiyapi ece, qa tuwedan koyakipe śni; wicaśta akantu ekta eyatonwe śni nakaeś.

Olianyanpi kin 10:34

Hehan Inyan i hdukawa qa heya; Awicakehan Wakantanka wicaśta itohnake kin iwanyake śni e imdukcan.

Olianyanpi kin 20:21

Wakantanka ekta ihduecetupi, qa Jesus Messiya Itancan unkiyapi wacinyanpi kin hena, Juda Helenes oyate ko en mdaotanin ece.

Olianyanpi kin 24:24

Unkan anpetu tonana iyohakam, Phelika, qa tawicu Drusila eciyapi, Juda winoḣinca kin heca, he kici hi, hehan Palos kico, qa Messiya wacinyanpi kin on naḣon.

Olianyanpi kin 7:2

Unkan iye hehan heya; Wicaśta hunkawanjinciyapi, ateciyapi ko anamagoptan po. Wowitan Wakantanka kin, Abraham ateunyanpi Mesopotamia en ounye ciqon, Carran en ahiti kin he itokam, en ikpazo;

Roma 1:11

Wanciyakapi nina wacin, woniya etanhan taku wicaqupi wan cic̣upi kta, on niyusutapi kte cin heon etanhan.

I. Korinth 2:8

He wicoicage kin de en wicaśta itancanpi kin tuwedan sdonye śni; sdonyapi unkanś Wowitan Itancan kin cansusbeca en okatanpi kte śni tuka.

Kolosse 1:4

Jesus Messiya wacinyayapi, qa tona owotanna un kin owasin waśte wicayadakapi kin he naunḣonpi;

I. Timotheos 1:19

Wowacinye qa wicanagi waśte sutaya yahduhe kte cin heon. Wanjikśi hena eḣpeyapi qa on wacinyanpi ekta kamden iyeic̣iyapi.

I. Timotheos 5:21

Wakantanka itokam, qa Jesus Messiya Itancan kin, maḣpiya ohnihde wicakaḣnigapi kin hena ko wicitokam wahokonciciya, dena taku kin ecinśniyan wiyukcanpi wanin ecanon kta, qa wicaśta iwanyakapi kte cin on etanhan takudan ecanon kte śni.

Titos 1:1

Palos Wakantanka taokiye, qa Jesus Messiya yeśi qon, tona Wakantanka wicakaḣniga, wacinyanpi kte cin heon, qa wowicake wicoḣan waśte en un kin sdonyapi kte cin heon;

Titos 2:13

Qa wacinyanpi waśte ape unyakonpi kta, Wakantanka iyotan tanka, qa Jesus Messiya Wanikiya unhapi kin he wowitan hduna taniniciye kte cin hee.

Hebrew 1:3

He iye towitan okitanin, qa ouncage okagapi ḣince cin hee, iye towaśake oie kin on taku owasin hduha yanka, he iś iye eciyatanhan waunḣtartipi wopakinte kage c̣ehan, Taku iyotan tanka wankan yanke cin he etapa kin en kiyotanka.

Hebrew 12:2

Qa Jesus wacinunyanpi kin toka kage c̣a hduśtan kin hee ekta euntonwanpi kta. He iye, wowiyuśkin itokam ehdepi qon he on, can susbeca kin hee kaeś iyowinkiye c̣a, wowiśtece kin he taku da śni, qa Wakantanka oiyotanke etapa kin eciyatanhan kiyotanka.

Jakob 1:16

Mihunkawanji waśte, ic̣ihnayanpi śni po.

Jakob 1:19

Heon etanhan, mihunkawanji waśte, wicaśta otoiyohi wanaḣon oḣanko kta, ie kapin kta, qa wacintanka kte:

Jakob 2:3

Qa tuwe wokoyake waśte kic̣un kin he tanyan ayatonwanpi, qa heyakiyapi, Oiyotanke waśte kin de en hiyotanka wo; qa wicaśta waḣpanica qon, Hen najin wo, qa iś, siha wahde kin ihukuya hiyotanka wo, eyakiyapi kinhan;

Jakob 2:9

Tuka wicaśta token ihduze cin ekta eyatonwanpi kinhan, woaḣtani ecanonpi, qa woope kin on śicaya econ oniyakapi ece.

Jakob 3:17

Tuka woksape wankantanhan un kin he tokaheya ecedan, hehan wokiyapi kaga, waḣbadan, waanagoptan, wowaonśida qa waskuyeca waśte on ojudan, owotanna wiyukcan qa owotanna wohdaka ece.

II. Inyan 1:1

Simon Inyan, Jesus Messiya tawowidake qa yeśi qon he, tona Wakantanka unkitawapi toowotanna kin on, qa Jesus Messiya Wanikiye cin eciyatanhan, unkiye unhapi kin iyecen wowacinye teḣika yuhapi kin hena wowapi wicakicaga.

Judas 1:16

Hena e wihnupi sa, wawiyaonpapi sa, iye cantiheyapi kin eciyatanhan manipi ece; qa i eciyatanhan waḣanḣanic̣idaya iapi, qa taku on etanhan wicaśta itohnake kin waśtedakapi ece.

Wayuotanin 14:12

Wicaśta owotanna apepi kin he de en un, qa tona Wakantanka tawoahope opapi qa Jesus wacinyanpi kin hena.