Jakob 1:3 - Dakota Wowapi Wakan Kin

³ Wacinyayapi iyutanpi kin he wacintankapi kaga e sdonyayapi.

Jakob 1:3 Iomraidhean Croise

Lukas 21:19

Wacinnitankapi kin on nicantepi kin hduha po.

Roma 15:4

Taku tona wowapi en kagapi kin hena onspeunkiyapi kte cin heon kagapi, hecen wicowaḣbadan, qa wowapi wakan kin en wicakicanpte cin eciyatanhan woape unhapi kta.

Roma 2:7

Tona wicoḣan waśte en ape yukanpi, qa wowitan, woyuonihan, qa ṭepica śni kin akitapi ece kin hena wiconi owihanke wanice kta:

Roma 8:25

Tuka taku wanunyakapi śni kin he unkapepi hecinhan, hehan wacintankapi on unkicupi kta e ape unyakonpi ece.

Roma 8:28

Unkan Wakantanka waśte dakapi kin hena taku owasin tanyan owicakiḣan ece e sdonunyanpi, tona iye tawacin kin eciyatanhan wicakicopi kin hena.

II. Korinth 4:17

Unkakijapi cistinna, qa ptecedan kin he wowitan ota ḣinca, ota ḣinca, owihanke wanin tke ḣinca unkicagapi kta.

Kolosse 1:11

Iye towitan wowaśake kin eciyatanhan, wicookihi kin owasin on waśagniyanpi kta, wadiwicatake cin owasin on etanhan, qa wacin tankapi, wiyuśkinpi kici:

II. Thessalonike 1:4

Hecen niyepi on, unkiye Wakantanka okoaakiciye tawa kin en unkiwinktapi ece; śicaya nicuwapi kin owasin, qa wokakije duhapi kin en, wacinyan wakiśagya yaunpi kin heon.

II. Thessalonike 3:5

Qa Itancan kin nicantepi kin Wakantanka waśtedakapi, qa Messiya wacintanka kin he en ope niyanpi nunwe.

Hebrew 10:36

Wacinnitankapi kta iyececa; hecen Wakantanka tawacin kin ecen ecanonpi kinhan, taku iwahounyanpi kin he iyacupi kta.

Hebrew 12:1

Heon etanhan waayataninpi maḣpiya śoka wan hinsko tanka aohdute unyanpi kin, hecen taku tkeya qinpi kin owasin eunhnakapi kta, woaktani ohiunyanpi ece kin he koya, qa oinyanke unkitokam wanke cin he wacin tankaya unkinyankapi kta.

Hebrew 6:12

Qa nikujapi kte śni, tuka tona wicadapi, qa wacintankapi on, taku iwahowicayapi qon wanna yuhapi kin, hena owicayapapi kta.

I. Inyan 1:7

Hecen wacinyayapi iyutanpi kin, he mazaskazi peta ece on śdoyapi keś atakuni śni ece, sam iyeya nina teḣike cin he woyaonihan, wicakinihanpi qa wowitan on tanin kta, tohan Jesus Messiya ihdutanin kinhan.

II. Inyan 1:6

Qa wosdonye kin en iyatahdeic̣iyapi śni; qa iyatahdeic̣iyapi śni kin en wacintankapi; qa wacintankapi kin en taku wakan iyececapi;