Jakob 1:25 - Dakota Wowapi Wakan Kin

²⁵ Tuka tuwe wicoope on tawaic̣iyapi yuśtanpi kin he opaḣta yanke c̣a, en un kinhan, tuwe naḣon qa akiktonje cin heca śni, tuka wicoḣan econ kin heca, hee e taku econ kin en yawaśtepi kta.

Jakob 1:25 Iomraidhean Croise

Lukas 11:28

Tuka iye heya; Han, tuka tona Wakantanka oie kin naḣonpi, qa ecen econpi kin hena iś iyotan wicayawaśtepi ce.

Johannes 13:17

Taku kin dena sdonyayapi hecinhan, ecen ecanonpi kinhan waśteya yaunpi kta.

Johannes 8:36

Heon Cinhintkuyapi kin niciyuśkapi hecinhan, awicakehan tawanic̣iyapi kta.

Olianyanpi kin 13:43

Unkan omniciye kin wanna enakiyapi, hehan Juda wicaśta qa oyate tokeca etanhan he en opapi qon, cekiya unpi kin hena wicota Palos qa Barnabas kici owicapapi. Unkan wowicakiyakapi, qa Wakantanka towaonśida kin en unpi kta e iwahokonwicakiyapi.

Olianyanpi kin 2:42

Qa yewicaśipi kin taku onspewicakiyapi kin en katinyan opapi ece, qa om taku yuhapi, aguyapi kiyuśpapi qa wocekiye eyapi kin en ece unpi.

Olianyanpi kin 26:22

Tuka Wakantanka omakiye cin heon anpetu kin dehanyan wani, qa tona ciqapidan tankinyanyan ko, wicawakiyaotanin, qa wicaśta wokcan kin Moses kici taka u kte cin oyakapi qon henana owicawakiyaka ece.

Roma 11:22

Wakantanka towaonśida tocantiyahde ko wanyaka po; tona hinḣpayapi qon hena en wocantiyahde, qa niye en wowaonśida kin, wowaonśida kin he en nayajin kinhan, tuka hecanon śni kinhan niś eya nicaksapi kta.

Roma 2:13

Wakantanka ekta tona woope naḣonpi kin hena owotanna kin eepi śni, tuka tona woope kin ecen econpi kin hena owotanna wicayawapi kta.

Roma 7:12

Hecen woope kin he wakan; qa woahope kin he nakun wakan, owotanna qa waśte.

Roma 8:15

Ake wokokipe kta e on ookiyeyapi woniya kin iyacupi śni, tuka cinhintkuyapi woniya kin he iyacupi, on Abba, Ate, eya hoyeunkiyapi ece.

Roma 8:2

Wiconi Woniya toope kin Jesus Messiya en un kin, he woaḣtani wiconṭe ko woope kin etanhan makiyuśka.

I. Korinth 15:58

Hecen mihunkawanji waśte cicidapi kin, sutaya yahanpi, qa pahoho śni yaunpi nunwe; qa ohinniyan Itancan oḣan kin en aic̣iciya po, Itancan kin on ḣtayanipi kin he taku śni wanice kta sdonyayapi kin heon etanhan.

II. Korinth 13:5

Niś niyepi ihdukcan po, wacinyanpi kin en yaunpi hecinhan; tanyan wihduta po. Eḣpeniyanpi śni kinhan, Jesus Messiya niyepi kin mahen un, he sdonyakiyapi śni he.

Galatia 2:4

Qa he nakun hunkawanjinkiciyapi itonpiśni kin heca, hena unkiye token Jesus Messiya on tawa unkic̣iyapi kin he iwanyakapi kta e en hipi, wowidag unyanpi kte cin heon.

Galatia 5:1

Hecen tawaic̣iyapi kin on Messiya tawaic̣iye unyanpi kin he en ṭinsadan un po, qa ake wowidake yapi wanapin kin on iyaihdaśkapi śni po.

Galatia 6:2

Otoiyohi waqinpi kin kicic̣in po, hecen Messiya toope kin tanyan eoetu yayapi kta.

Kolosse 1:23

Wacinyayapi kin en nayajinpi kinhan, sutaya yaunpi, qa ṭinsa nayajinpi, qa wotanin waśte woape nayaḣonpi kin etanhan nihinḣpayapi śni kinhan; he maḣpiya kin ihukuya wicaśta hiyeye cin owasin owicakiyakapi, qa he en Palos he miye ookiye makagapi:

I. Timotheos 2:15

Tuka iś eya cinca tonpi kin en niyanpi kta, wacinyanpi, wacantkiyapi, wicoḣan waśte qa wacintankapi kin hduha yukanpi kinhan.

I. Timotheos 4:16

Atayedan awaic̣icin, qa woonspe nitawa kin awakicin wo, he hduha wo. Hecanon kinhan ninic̣iye c̣a, tona naniḣonpi kin hena nakun niwicayaye kta.

Hebrew 12:15

Qa tuwe Wakantanka to waonśida kin iyohi kte śni naceca, heon aic̣iciya iwanihdaka po, okinni can hute paza icage c̣a, nugiyeniyanpi kta, qa hecen wicota aśamyapi kta.

Jakob 2:12

Tona woope on tawaic̣iyapi kin on wicayacopi kte cin hena iyecen iapi, qa econ po.

I. Inyan 2:16

Nihduhapi, tuka tawanic̣iyapi kin he wocanniye onḣoḣda iyecen yec̣unpi kte śni, tuka Wakantanka tawowidake kin iyececa.

I. Johannes 2:24

Taku otokaheya tanhan nayaḣonpi qon he yuha po. Taku otokahe ekta nayaḣonpi qon en niunpi kinhan, Cinhintkuyapi kin en yaunpi kta, qa nakun Ateyapi kin en.

Wayuotanin 14:13

Hehan maḣpiya kin eciyatanhan wicaho wan nawaḣon, hecen emakiya, Wowapi ecen kaga wo; Detanhan wicaṭe cin tona Itancan kin en ṭapi kin hena wicayawaśtepi ece. Han, Woniya kin eya, Wicoḣtani kin ayuśtanpi kta, qa wicoḣan kin wiciyahna iyaya ece.

Wayuotanin 22:14

Tona tawoahope kin ecen econpi kin hena wicayawaśtepi, hecen wiconi can kin en ya okihipi kta, qa tiyopa kin ohna otonwe kin timahen yapi kta.