Jakob 1:22 - Dakota Wowapi Wakan Kin

²² Tuka wicoie kin ecen econ po, qa iye ic̣ihnayanpi, naḣonpi ecedan, unpi śni po.

Jakob 1:22 Iomraidhean Croise

Mattheos 12:50

Tuwe kaśta Ate maḣpiya ekta un tawacin kin ecen econ kinhan he mihunkawanji qa mitawinoḣtin qa mihun ee.

Mattheos 28:20

Qa taku tona econciśipi kin owasin yuhapi kta e onspewicakiya po. Unkan iho, anpetu owasin cicipi waun, maka owihanke kin hehanyan. Amen.

Lukas 11:28

Tuka iye heya; Han, tuka tona Wakantanka oie kin naḣonpi, qa ecen econpi kin hena iś iyotan wicayawaśtepi ce.

Johannes 13:17

Taku kin dena sdonyayapi hecinhan, ecen ecanonpi kinhan waśteya yaunpi kta.

Roma 2:13

Wakantanka ekta tona woope naḣonpi kin hena owotanna kin eepi śni, tuka tona woope kin ecen econpi kin hena owotanna wicayawapi kta.

I. Korinth 15:33

Ic̣ihnayanpi śni po; kodakiciyapi śice cin hena wicoḣan waśte yuśica ece.

I. Korinth 3:18

Ihnuhan tuwe ic̣ihnaye cinhan. Tuwe niyepi ekta wicoicage kin de en ksapeic̣ida kin he witkotkoke ic̣icaga nunwe; hecen ksape kta.

I. Korinth 6:9

Tona owotanna śni un kin hena Wakantanka tokiconze kin tawapi kte śni e sdonyayapi śni he. Ic̣ihnayanpi śni po: wiinaḣmanpi, qa wakagapi ohodapi sa, qa wawiciḣaḣapi econpi sa, qa winyan ic̣idapi kin, qa iwicahu sa.

Galatia 6:3

Tuwe taku śni un eśta, taku ic̣ida kinhan, he icihnayan.

Galatia 6:7

Ihnuhan nihnayanpi kin; Wakantanka uncapi kte śni ce. Wicaśta kin taku oju kinhan, he yukse kta ce.

Philippi 4:8

Unkan ehake mihunkawanji, taku wicakapi kin, taku yuonihanpi kin, taku owotanna kin, taku wakan kin, taku waśte dapica kin, taku waśte eyapi kin, wowaśte qa wowitan yuke cinhan, hena awacin po.

Kolosse 3:17

Qa taku ecanonpi kinhan, wicoie qa wicoḣan kin unma tukte kaśta, Jesus Itancan kin caje on owasin econ po, qa on Wakantanka Ateyapi kin wopida eciya po.

II. Timotheos 3:13

Tuka wicaśta śica, wicahnayanpi sa ko, hena sanpa śicapi kta, wicahnayanpi qa nakun hnayanpi kta.

Titos 3:3

Ehanna unkiś eya wacin untonpi śni, qa waanaungoptanpi śni, unhnayanpi, qa cantiheyapi śica ota, qa iyokipiic̣iyapi kin en wowidake unyakonpi, wocanniye, icekinpi ko en unnipi, waḣte śni unyakonpi, qa otoiyohi śiceunkicidakapi.

Jakob 1:26

Tuwe niyepi kin etanhan woohodapi kin en opa se ececa hecinhan, qa ceji hdaśke śni, tuka iye cante ic̣ihnaye cinhan, he woohodapi ope cin he taku śni.

Jakob 4:11

Mihunkawanji, otoiyohi akiciiapi śni po. Tuwe hunkawanjitku aie c̣a hunkawanjitku hdaco kinhan, he woope kin aie c̣a woope kin yaco; tuka woope kin daco kinhan, woope kin ecen econpi kin henica śni, tuka wayaco kin henica.

Jakob 4:17

Heon etanhan, tuwe taku waśte econ kta sdonkiya tuka econ śni eca, he woaḣtani ic̣icaga ece.

II. Inyan 2:13

Qa anpetu icunhan tanyan wotapi kin he woiyokipi dakapi kin heon woaḣtani iyunwin kin icupi kta. Hena om wayatapi icunhan wohnayeic̣iyapi kin on iyuśkinpi, woaśape qa taku samya wanke cin hecapi;

I. Johannes 1:8

Woaḣtani unnicapi ce, unkeyapi kinhan, unkic̣ihnayanpi qa wowicake kin unkiyepi en un śni.

I. Johannes 2:3

Unkan deciyatanhan iye kin wanna sdonunyanpi e sdonunkiyapi, tawoahope unkokicipapi kinhan.

I. Johannes 3:7

Hokśiyopa cikcistinpidan, ihnuhan tuwe nihnayanpi kinhan; tuwe taku owotanna econ ece kin he owotanna, iye kin owotanna un kin iyececa.

III. Johannes 1:11

Waśtecicida, taku śice cin he en ope śni wo, tuka taku waśte kin. Tuwe taku waśte econ kin he Wakantanka eciyatanhan un, tuka tuwe taku śica econ kin he Wakantanka wanyake śni.

Wayuotanin 12:9

Unkan wamduśka tanka kin, wamduśka wanakaja tanhan un kin hee, Wakanśica qa Satan eciyapi, wicaśta hiyeye cin owasin wicahnaye cin hee, makata eḣpeyapi, qa tona ookiye wicaye cin hena nakun kici tankan iyewicayapi.

Wayuotanin 22:7

Iho ecadan wau kta. Tuwe wowapi kin de wowiyukcan oie kin tanyan yuhe cinhan he yawaśtepi ce.