Jakob 1:21 - Dakota Wowapi Wakan Kin

²¹ Heon etanhan, wicowaḣteśni kin owasin, qa taku śica iyatahdepi kin eḣpeya po; qa wicoie ninagipi niye kta okihi kin he onśiic̣iya icu po.

Jakob 1:21 Iomraidhean Croise

Mattheos 5:5

Tona onśiḣanpi kin hena wicayawaśtepi; maka kin de tawapi kta.

Johannes 6:63

Woniya kin he wiconi kaga ece, wicaceḣpi kin takudan okihi śni. Wicoie eciciyapi kin hena woniya qa wiconi kin hee.

Johannes 6:68

Unkan Simon Inyan ayupte; Itancan, tuwe ekta unyanpi kta he; owihanke wanin wiconi wicoie duhe cin;

Olianyanpi kin 10:33

Heon kohanna wahociya; qa yahi kin he tanyan ecanon. Heon nakaha unkiyepi kin owasin Wakantanka itokam unkanpi, taku Wakantanka eye niśi kin owasin naunḣonpi; kta ce

Olianyanpi kin 13:26

Wicaśta hunkawanjin ciyapi kin, Abraham cinca wicaye cin, qa tona Wakantanka kokipapi kin, nis niyepi wiconi oie kin de oniciyakapi.

Roma 1:16

Messiya tawootanin waśte kin on imaśtece śni; he niwicaye kte cin on Wakantanka to waśake kin hee, tona wicadapi kin hena en, Juda wicaśta kin he tokaheya, qa hehan Helenes wicaśta kin hena.

Roma 11:17

Unkan can adetka kin hena wanjikji yuksapi, qa niś can wihdi hu ikceka henica, tuka can adetka qon ehna can kin en icaḣniyanpi, qa can wihdi cepa can huta kin etanhan, en opeya yaun kinhan;

Roma 6:17

Tuka Wakantanka wopida kiciun nunwe, woaḣtani inidnkapi tuka qon; tuka woonspe ecedan en yeniyanpi qon he cante eciyatanhan oyapapi.

I. Korinth 15:2

He eciyatanhan nakun yanipi kta, wicoie unkoniciyakapi kin on, he ṭinsa duhapi kinhan, qa ecinśniyan awacanipi śni kinhan.

II. Korinth 7:1

Heon waśtecicidapi kin, wahoyapi kin dena unhapi kin heon wicaceḣpi wicanagi ko taku aśape cin etanhan unhduecepidan, qa Wakantanka kokipeyahan wicoowotanna kin tanyan unhduśtanpi kta.

Ephesos 1:13

He niś niyepi nakun, wowicake oie kin nayaḣonpi qehan, wotanin waśte on ni niyanpi kte cin hee, he iye wacinyayapi, unkan Woniya wahoyapi kin he on wapetognitonpi:

Ephesos 4:22

Wicoḣan tokaheya kin en, wicaśta tannike cin, wohnaye wocantiheye kin on ḣwin kin hee yahduśdokapi kta;

Ephesos 4:25

Heon etanhan, itonpi śni kin ayaśtanpi, qa otoiyohi wicaśta tokeca kici wowicake ece ohdaka po; otoiyohi huha yeciciyapi kin heon.

Ephesos 5:4

Qa wawiśtenyapi, qa wicoie ecinśniyan kin, qa iapi śica hena hecetu śni; tuka wopida eyapi kin he waśte.

I. Thessalonike 1:5

Wotanin waśte unkitawapi en niipi kin he wicoie ecedan en un śni, tuka wowaśake nakun en, qa Woniya Wakan, qa tanyan sdonyapi kin en; niyepi ehna, qa niyepi on etanhan wicaśta tounkecapi kin sdonyayapi.

I. Thessalonike 2:13

Qa heon ohinniyan Wakantanka wopida unkekiciyapi; Wakantanka oie kin unkiyepi etanhan nayaḣonpi, qa iyacupi qehan, wicaśta oie kin iyecen iyacupi śni, tuka awicakehan Wakantanka oie kin hee, niye tona wicayadapi kin en oḣanyan ece kin iyececa.

Titos 2:11

Wakantanka towaorśida wicaśta owasin wiconi wicakahi kin he wanna tanin;

Hebrew 12:1

Heon etanhan waayataninpi maḣpiya śoka wan hinsko tanka aohdute unyanpi kin, hecen taku tkeya qinpi kin owasin eunhnakapi kta, woaktani ohiunyanpi ece kin he koya, qa oinyanke unkitokam wanke cin he wacin tankaya unkinyankapi kta.

Hebrew 2:3

Unkiye wiconi hinsko tanka kin unkaktapi śni kinhan, token naunpapi kta he. He tokaheya Itancan kin oyake c̣a, tona naḣonpi kin hena atayedan unkokiyakapi:

Hebrew 4:2

Wotanin waśte kin unkokiyakapi, iś iyepi kin iyececa; tuka wicoie naḣonpi qon he owicakiye śni, tona naḣonpi kin wowacinye icicahiyapi śni kin heon etanhan.

Jakob 4:8

Wakantanka ikiyedan u po, hecen iś nikiyepidan u kta. Waḣtanipi sa, nape hdujaja po; qa wacin ninonpapi kin, cante hduecepidan po.

Jakob 5:20

Tuwe wicaśta waḣtani sa wan canku onuni kin etanhan yuhomni kinhan, he wicanagi wan wiconṭe etanhan eyaku kta, qa woaḣtani ota akaḣpe kta e he sdonkiye kta.

I. Inyan 1:22

Woniya kin eciyatanhan wowicake anayagoptanpi kin heon nagi nihduskapi, hunkawanjinkiciyapi kin awicakehan waśtewicayadakapi kta, heon cante ecedan on otoiyohi nina waśtekicidaka po.

I. Inyan 1:9

Wacinyayapi ihanke kin iyacupi, ninagipi ni kte cin hee.

I. Inyan 2:1

Heon etanhan, wocanniye owasin, qa wohnaye ocowasin, qa woanakiḣbe, qa wowinawizi, qa iapi śica iyuḣpa eḣpeya po;

I. Inyan 2:11

Waśtecicidapi, ceciciyapice, oyate tokeca qa unhdaka unpi kin iyecen wicaceḣpi cantiheyapi kin, wicanagi kin kici kicize cin, hena ayuśtan po: