Jakob 1:19 - Dakota Wowapi Wakan Kin

¹⁹ Heon etanhan, mihunkawanji waśte, wicaśta otoiyohi wanaḣon oḣanko kta, ie kapin kta, qa wacintanka kte:

Jakob 1:19 Iomraidhean Croise

Mattheos 5:22

Tuka miś heciciyapi; Tuwe taku on etanhan śni sunkaku śicekidake cinhan he yacopi kta; qa tuwe sunkaku, Waḣteśni, eciye cinhan he omniciye tanka kin en ayapi kta; qa tuwe, Winitkotkoka, eciye cinhan, he Wakanśica tapeta kin en iyoḣpeyapi kta iyececa.

Markos 12:37

Heon etanhan Dawid iye qe Itancan eciya; hecen token cincaya he. Unkan oyate ikceka kin wiyuśkinyan naḣonpi.

Markos 2:2

Unkan hecehnana wicota en mniciyapi, hecen tuktedan en hipi kte śni, tiyopa kin itankan tanhan ocikan śni: unkan wicoie kin owicakiyaka.

Lukas 15:1

Unkan hehan wamnayanpi qa waḣtanipi sa, hena owasin naḣonpi kta e on en ahi.

Lukas 19:48

Tuka token econpi kta takudan iyeyapi śni; oyate kin owasin oie kin naḣonpi kta cinpi ece.

Olianyanpi kin 1:15

Unkan anpetu kin hena en Inyan ookiye unpi kin wicacokaya najin, (wicacaje owasin opawinge sanpa wikcemna nom wicayawapi;)

Olianyanpi kin 10:33

Heon kohanna wahociya; qa yahi kin he tanyan ecanon. Heon nakaha unkiyepi kin owasin Wakantanka itokam unkanpi, taku Wakantanka eye niśi kin owasin naunḣonpi; kta ce

Olianyanpi kin 13:48

Unkan Ikcewicaśtakin, hena oie kin naḣonpi qehan, nina iyuśkinpi, qa Itancan oie kin yatanpi. Unkan tona owihanke wanin wiconi yuhapi kta e wicakaḣnigapi qon hena wicadapi.

Olianyanpi kin 17:11

Hena iś Thesalonike oyate kin sam iyeya wacin ksapapi, wicoie kin tawacin inaḣni on icupi, qa hena hecetu e sdonyapi kta, heon anpetu iyohi wowapi wakan kin en akitapi ece.

Olianyanpi kin 2:42

Qa yewicaśipi kin taku onspewicakiyapi kin en katinyan opapi ece, qa om taku yuhapi, aguyapi kiyuśpapi qa wocekiye eyapi kin en ece unpi.

Ephesos 4:26

Śinyahdapi eśta, waḣtanipi śni po. Canniniyanpi ecen wi iyaye śni nunwe.

Ephesos 4:31

Wicokige owasin, qa wocantiyahde, qa wośihda, qa iwaśicunpi, qa waaiapi canniyekiciyapi ko owasin eḣpeyayapi nunwe.

Kolosse 3:15

Qa Wakantanka tawookiye kin nicantepi kin en waniconzapi nunwe, he en wicatancan wanjidan en nicopi kin pida un po.

Kolosse 3:8

Tuka nakaha hena owasin ayuśtan po; wocanniye, wośihda, wocantiyahdepi, waakagapi, qa iapi śice cin niipi kin etanhan.

I. Thessalonike 2:13

Qa heon ohinniyan Wakantanka wopida unkekiciyapi; Wakantanka oie kin unkiyepi etanhan nayaḣonpi, qa iyacupi qehan, wicaśta oie kin iyecen iyacupi śni, tuka awicakehan Wakantanka oie kin hee, niye tona wicayadapi kin en oḣanyan ece kin iyececa.

Jakob 1:16

Mihunkawanji waśte, ic̣ihnayanpi śni po.

Jakob 1:2

Mihunkawanji, taku wawiyutanyan un kin ota ayakipapi kinhan, he wowiyuśkin ocowasin hdawa po:

Jakob 1:26

Tuwe niyepi kin etanhan woohodapi kin en opa se ececa hecinhan, qa ceji hdaśke śni, tuka iye cante ic̣ihnaye cinhan, he woohodapi ope cin he taku śni.

Jakob 2:1

Mihunkawanji, Jesus Messiya, wowitan Itancan wacinyanpi kin, on wicaśta iwandakapi kte cin he yuhapi śni po.

Jakob 2:5

Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.

Jakob 3:10

Wicai wanjidan etanhan wayawaśtepi qa wayaśicapi kin hinanpa ece. Mihunkawanji, hena hecetu śni.

Jakob 4:11

Mihunkawanji, otoiyohi akiciiapi śni po. Tuwe hunkawanjitku aie c̣a hunkawanjitku hdaco kinhan, he woope kin aie c̣a woope kin yaco; tuka woope kin daco kinhan, woope kin ecen econpi kin henica śni, tuka wayaco kin henica.

Jakob 5:12

Tuka mihunkawanji, taku owasin isanpa, Taku namaḣon ce, eyapi śni po, maḣpiya kin he, qa maka kin de, qa taku tokeca cajeyatapi ece kin nakun; tuka, han, ehapi kin he han ecedan kta, qa, hiya, ehapi kin he hiya ecedan kta; okinni woyaco kin en iyoyaḣpadapi nun ce.

Jakob 5:19

Mihunkawanji, wanji enitanhanpi wowicake kin etanhan nuni, qa tuwe he ake ekta yuhomni kinhan,

I. Johannes 2:21

Wowicake kin sdonyayapi śni kin heon wowapi cicagapi śni; tuka he sdonyayapi, qa woitonśni takudan wowicake kin eciyatanhan u śni, heon etanhan.