Jakob 1:16 - Dakota Wowapi Wakan Kin

¹⁶ Mihunkawanji waśte, ic̣ihnayanpi śni po.

Jakob 1:16 Iomraidhean Croise

Mattheos 22:29

Jesus waayupte c̣a hewicakiya; Yanunipi, wowapi wakan qa Wakantanka towaśake kin sdonyayapi śni.

Markos 12:24

Unkan Jesus waayupte c̣a hewicakiya; Wowapi wakan kin sdonyayapi śni, qa nakun Wakantanka towaśake kin, heon yanunipi.

Markos 12:27

Wicaśta ṭapi kin Wakantanka tawapi śni, tuka ni unpi kin Wakantanka tawapi: heon etanhan śogya yanunipi.

Olianyanpi kin 1:15

Unkan anpetu kin hena en Inyan ookiye unpi kin wicacokaya najin, (wicacaje owasin opawinge sanpa wikcemna nom wicayawapi;)

I. Korinth 6:9

Tona owotanna śni un kin hena Wakantanka tokiconze kin tawapi kte śni e sdonyayapi śni he. Ic̣ihnayanpi śni po: wiinaḣmanpi, qa wakagapi ohodapi sa, qa wawiciḣaḣapi econpi sa, qa winyan ic̣idapi kin, qa iwicahu sa.

Galatia 6:7

Ihnuhan nihnayanpi kin; Wakantanka uncapi kte śni ce. Wicaśta kin taku oju kinhan, he yukse kta ce.

Philippi 2:12

Heon waśte cicidapi kin, ohinniyan nayaḣonpi kin he iyecen, en cicipi waun kin hecedan śni, tuka nakaha en waun śni eśta, sanpa wokokipeya cancanic̣iya yanipi kte cin hduśtan po.

Philippi 4:1

Heon etanhan mihunkawanji waśte cicidapi, qa cantocikpanipi kin, wowiyuskin mitawa qa wateśdake mitawa kin, Itancan kin en sutaya najin po, waśte cicidapi.

Kolosse 2:4

Tuwedan wicoie skuya kin on nihnayanpi kte śni heon hena hepa.

Kolosse 2:8

Ihnuhan wicoksape eyapi kin on, qa ikce wohnaye kin on tuwe nihnayanpi kinhan, wicaśta hitunkakanpi oyakapi kin on, qa wicoicage en woonspe tokaheya eciyatanhan, qa Messiya eciyatanhan śni:

II. Timotheos 2:18

Hena wowicake kin icunonpa iyayapi qa, Woekicetu kin wanna yuśtanpi ce, eyapi, qa heon wanjikji wacinyanpi kin etanhan wicayahomnipi.

Hebrew 13:1

Hunkawanjinkiciyapi waśtekicidapi kin he ecen un nunwe.

Jakob 1:19

Heon etanhan, mihunkawanji waśte, wicaśta otoiyohi wanaḣon oḣanko kta, ie kapin kta, qa wacintanka kte:

Jakob 1:2

Mihunkawanji, taku wawiyutanyan un kin ota ayakipapi kinhan, he wowiyuśkin ocowasin hdawa po:

Jakob 2:1

Mihunkawanji, Jesus Messiya, wowitan Itancan wacinyanpi kin, on wicaśta iwandakapi kte cin he yuhapi śni po.

Jakob 2:14

Mihunkawanji, tuwe wacinyan keya eśta, iyecen wicoḣan yuhe śni kinhan, he taku iyokihi kta he. Wacinyan un kin he niyan okihi he.

Jakob 2:5

Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.

Jakob 3:1

Mihunkawanji, wicota waonspekiya unpi śni po; woyaco iyotan tanka unkicupi kta e sdonyayapi.

Jakob 3:10

Wicai wanjidan etanhan wayawaśtepi qa wayaśicapi kin hinanpa ece. Mihunkawanji, hena hecetu śni.

Jakob 4:11

Mihunkawanji, otoiyohi akiciiapi śni po. Tuwe hunkawanjitku aie c̣a hunkawanjitku hdaco kinhan, he woope kin aie c̣a woope kin yaco; tuka woope kin daco kinhan, woope kin ecen econpi kin henica śni, tuka wayaco kin henica.

Jakob 5:12

Tuka mihunkawanji, taku owasin isanpa, Taku namaḣon ce, eyapi śni po, maḣpiya kin he, qa maka kin de, qa taku tokeca cajeyatapi ece kin nakun; tuka, han, ehapi kin he han ecedan kta, qa, hiya, ehapi kin he hiya ecedan kta; okinni woyaco kin en iyoyaḣpadapi nun ce.

Jakob 5:19

Mihunkawanji, wanji enitanhanpi wowicake kin etanhan nuni, qa tuwe he ake ekta yuhomni kinhan,