Jakob 1:12 - Dakota Wowapi Wakan Kin

¹² Wicaśta iyutanyanpi kin he yawaśtepi ece; tohan tanyan yukcanpi kinhan, hehan wiconi wateśdake, Itancan kin tona waśtedakapi iwahowicaye ciqon, hee icu kta.

Jakob 1:12 Iomraidhean Croise

Mattheos 10:22

Qa micaje on owasin śicenidapi kta; tuka tuwe owihanke kin hehanyan sutaya un kinhan he ni kta.

Mattheos 25:34

Hehan Wicaśtayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaśtepi kin, wokiconze maka kagapi kin ehantanhan wiyeya niciyankapi kin he ito hduha po.

Lukas 6:22

tohan wicaśta śicenidapi, qa yuiyog iyayeniyanpi, qa iennihdepi, qa Wicaśta Cinhintku kin on nicajepi kin taku śica iyecen tankan eḣpeyapi kinhan, niyawaśtepi ece.

Roma 5:4

Qa wacin tankapi kin he wiyukcanpi, qa wiyukcanpi kin he woape;

Roma 8:28

Unkan Wakantanka waśte dakapi kin hena taku owasin tanyan owicakiḣan ece e sdonunyanpi, tona iye tawacin kin eciyatanhan wicakicopi kin hena.

I. Korinth 2:9

Tuka wowapi qon iyececa; Tona Wakantanka waśtedakapi kin taku wicakiciyuśtan kin he wiciśta kin tohinni wanyake śni, qa wicanoge on naḣonpi śni, qa wicaśta cante kin mahen iyoḣpaye śni.

I. Korinth 8:3

Tuka tuwe Wakantanka waśte dake cinhan Wakantanka he iye sdonya.

I. Korinth 9:25

Tuwe kaśta kici econ kte cinhan taku owasin iyatahde ic̣iye śni un. Hena wateśdake atakuni kte śni kin yekiyapi kta, tuka unkiye wateśdake ohinniyan un kte cin he unkakitapi.

II. Timotheos 2:15

Wakantanka iyokipiyaye kta, wicaśta wakage cin iśtece kta iyecece śni kin heca e nihdutanin kta, qa wowicake wicoie kin owotanna yapamni kta e aic̣iciya wo.

II. Timotheos 4:8

Qa tokata, woowotanna wateśdake wan mihnakapi, he Itancan wayaco owotanna kin maqu kta, anpetu kin he en; qa miye miśnana śni, tuka tona iye taninic̣iye kte cin waśtedakapi kin hena owasin koya.

Hebrew 10:32

Anpetu tokaheya kin kiksuya po, hena en iyoyamniyanpi, qa hehan wicokakije okicize tanka wan iyahdeniciyapi.

Hebrew 11:17

Wacinyanpi kin eciyatanhan, Abraham, iyutanyanpi qehan, Isaak wahauśna, qa tuwe taku iwahoyapi qon wicada kin he cinhintku ecedan kin wahduśna.

Hebrew 12:5

Qa wowahokonkiye cinca iyecenoniciyapi kin he ayektonjapi he; Micinkśi, Itancan wicakapsinpsinte cin he tice dake śni wo, qa iyopeniye cinhan wacin ibośake śni wo, eye cin.

Hebrew 6:15

Unkan waḣbayedan ape yanke cin he iyohakam taku iwahoyapi qon ekicicetu.

Jakob 2:5

Naḣon po, mihunkawanji waśte; Wakantanka maka akan waḣpanicapi kin hena wicakaḣniga he, wacinyanpi on wijicapi, qa tona iye waśtedakapi wokiconze iwahowicaye ciqon he tawayapi kte cin.

Jakob 5:11

Wanyaka po, tona wacintankaya unpi kin hena waśte kecanwicunkinpi ece. Job token wacintanka qon he nayaḣonpi, qa Itancan owihankeye cin he wandakapi; Itancan kin waonśida qa wawacinkta yuza tanka.

I. Inyan 3:14

Tuka owotanna oḣanyanpi kin on śicaya nicuwapi kinhan, he wowaśte; hecen wokokipe tawapi kin kokipapi śni, qa cante hahayedan yankapi śni po:

I. Inyan 4:13

Tuka Messiya kakije ciqon en oyapapi kin heon iyuśkin po; hecen tohan towitan tanin kinhan nina iduśkinpi kta.

I. Inyan 4:14

Messiya caje kin on niyaśicapi kinhan, niyuwaśtepi ece; wowitan qa Wakantanka Taniya kin en niunpi kin heon. Hena e eciyatanhan ośtehdapi, tuka niye eciyatanhan yatanpi ece.

I. Inyan 5:10

Tuka Wakantanka wowaonśida ocowasin hduhe cin, Jesus Messiya eciyatanhan, wowitan owihanke Wanica iye tawa kin en unkicopi kin he, tohan cistiyedan nicakijapi kinhan, niyuśtanpi kte, pahohośni enihnakapi, niyuwaśakapi, qa sutaya nihdepi nunwe.

I. Inyan 5:4

Hecen Waawanhdake Itancan kin tohan ihdutanin kinhan, hehan wowitan wateśdake wan śnije kte śni kin he iyacupi kta.

I. Johannes 4:19

Iye tokaheya canteunkiyapi kin heon unkiye Wakantanka waśteundakapi.

Wayuotanin 2:10

Token nicakije kte cin ihnuhan taku koyakipe cin. Iho, Wakanśica niyepi wanjikji wicakaśka tipi kin en iyeniyanpi kta, iniyukcanpi kta e heon; unkan anpetu wikcemna hehanyan wokakije duhapi kta; tuka wicaṭe cin hehanyan wicaka wo, kinhan wiconi wateśdake wan cic̣u kta.

Wayuotanin 3:19

Tona cantewicawakiye cin hena wahokonwicawakiye c̣a, iyopewicawakiya ece. Heon mniheic̣iye c̣a ihduecetu wo.

Wayuotanin 3:21

Tuwe ohiye cinhan he oiyotanke mitawa kin akan mici iyotanke wakiye kta, miye ohiwaye c̣a Ate oiyotanke tawa kin akan weci imdotanke cin he iyecen.