Yems 1:13 - Al Kuruŋyen Mere Igiŋ

¹³ Uŋgurabe, “Al Kuruŋ mata buluŋ tiwoŋ,” yeŋ epte ma lomlom iryeŋ. Irde Al Kuruŋbe neŋ gayen mata buluŋ tinayiŋ yeŋ lomlom ma dirde hiyen. Niŋgeb al kura mata buluŋ kura titek dufay forok yeke goya, “Al Kuruŋ beleŋ lom nira,” ma yiyyeŋ.

Yems 1:13 Iomraidhean Croise

Matiyu 4:7

Irkeb wol heŋbe, “Goyen goke wor, ‘Al Kuruŋge tuŋaŋ ma urayiŋ. Yeŋbe Doyaŋ Al Kuruŋ geb,’ yeŋ asaŋde katiŋ hi,” inyiŋ.

Yems 1:12

Be, Al Kuruŋya hugiŋeŋ heŋ heŋ gobe al kura yeŋ ge amaŋeŋ nurde haŋ mar goyen yuneŋ yeŋ biŋa tiyyiŋ. Niŋgeb al kura kanduk yeneŋ hiyeŋ gega, fole yirde hiyeŋ al gobe Al Kuruŋ beleŋ yeŋya hugiŋeŋ heŋ heŋ niŋ biŋa tiyyiŋ goyen go unyeŋ. Niŋgeb muruŋgem go tenayiŋ marbe amaŋeŋ nurnayiŋ.

Yems 1:14

Gwahade yarab mata buluŋ teŋ teŋ ge biŋ huwarkeb dufay buluŋmiŋ gore po tuluŋ teŋ tukukeb mata buluŋde kateŋ hiyen.

Yems 1:2

Be, kadne yago, deŋbe kanduk kurayen kurayen yeneŋ hinayiŋ gega, Al Kuruŋ niŋ dufaytiŋ tareŋ iramiŋ goyen go ma tubul tinayiŋ gobe kame kanduk hoyaŋ forok yeŋ hinayiŋ goyen wor tareŋ heŋ igiŋ fole yirde hitek yeŋ nurde haŋyen. Niŋgeb kanduk kurayen kurayen goke buluŋeŋ ma nurde hinayiŋ. Tareŋ dird dird niŋ gago forok yeŋ haŋ yeŋ nurde amaŋ heŋ hinayiŋ.