Taitus 2:3 - Al Kuruŋyen Mere Igiŋ

³ Gwahade goyen po, bere parguwak wor saba yirde hike alya bereya hoyaŋ beleŋ palap yirtek mata po teŋ hinayiŋ. Irde mere buluŋ mat ma teŋ hinayiŋ, kukuwa fe ug po ma nen hinayiŋ. Gwaha titŋeŋbe mata igiŋ po ga diriŋ saba yirde hinayiŋ.

Taitus 2:3 Iomraidhean Croise

Rom niŋ Yesuyen alya bereya hitte Pol beleŋ asaŋ kayyiŋ 1:29

Be, gwaha teŋ hike biŋdebe mata huwak moŋya mata buluŋya det uguŋ po yad yad niŋ po dufay heŋ heŋ matayabe dufay buluŋya kurayen kurayen gore po makiŋ hitiŋ hinhan. Irde kadom igiŋ mat hike yeneŋbe daniŋ neŋ gwahade moŋ yeŋ nurd nurd mata, al gasa yirke kamde kamde mata, fuleŋa mata, al usi yird yird mata, al buluŋ yird yird mataya al yiya yird yird matayabe kuruŋ wor po.

Rom niŋ Yesuyen alya bereya hitte Pol beleŋ asaŋ kayyiŋ 16:2

Be, bere gayen kukeb Doyaŋ Al Kuruŋ niŋ teŋbe gargar irnayiŋ. Mata gobe Al Kuruŋyen alya bereya beleŋ titek mata geb, gwaha irnayiŋ. Irde faraŋ niŋ nurde hikeb deŋ beleŋ faraŋ urde hinayiŋ. Yeŋbe al budam faraŋ yurde hiyen. Ne manaŋ faraŋ nurde hiyen geb, gago dineŋ hime.

Efesus 5:3

Deŋbe leplep mata ma teŋ hinayiŋ, irde mata buluŋ mormok dapŋa kukuwa beleŋ mata titŋeŋ ma teŋ hinayiŋ. Irde det uguŋ po yade yade niŋ ma dufay heŋ hinayiŋ. Mata buluŋ gwahade gobe neŋ Al Kuruŋyen alya bereya beleŋ titek mata moŋ geb, gago dineŋ hime. Niŋgeb mata gwahade goke dufay muŋ kura ma po henayiŋ, irde goke muŋ kura ŋut ma yenayiŋ.

1 Timoti 3:11

Irde yeŋ manaŋ berebe yuŋkureŋ po yawarnayiŋ. Irde diriŋmiŋ keŋkela saba yirke yende mere nurde hinayiŋ. Gwahade goyen po berem yago manaŋ alya bereya beleŋ palap yirtek mata po teŋ hinayiŋ. Gwaha teŋ heŋyabe kadom yiya girde ma teŋ hinayiŋ, bemel bearar ma teŋ hinayiŋ. Irde mereya mataya teŋ hinayiŋ kuruŋ gobe fudinde biŋde mat po teŋ hinayiŋ. Irke alya bereya beleŋ dende mereya matayabe fudinde yeŋ nurde hinayiŋ.

1 Timoti 3:8

Be, gwahade goyen po doyaŋ marte faraŋ marmiŋ manaŋ uliŋde merem moŋ po heŋbe al beleŋ palap yirtek mata po teŋ hinayiŋ. Irdeb melak kalpaŋ ma hinayiŋ. Kukuwa fe netek netek ma yirde hiyeŋ. Usi matare ma hora yade hinayiŋ.

Taitus 1:7

Be, Yesuyen alya bereyat doyaŋ marbe Al Kuruŋ beleŋ po meteŋne tinayiŋ yeŋ basiŋa yirtiŋ. Niŋgeb go mar gobe uliŋde merem moŋ hinayiŋ, yiŋgeŋ ge turuŋ turuŋ ma teŋ hinayiŋ, araŋeŋ bearar ma teŋ hinayiŋ, kukuwa fe nene kukuwa heŋ heŋ mata ma teŋ hinayiŋ, det kuraŋ al kwep kwep ma yirde hinayiŋ, irde al mali ma gasa yirde hinayiŋ. Irdeb usi matare al kurate hora ma yade hinayiŋ.

Taitus 2:4

Gwaha teŋ hinayiŋbe bere hoyaŋ yeŋ kamekkeŋ goyen igiŋ saba yirde hike uŋya goya dirŋeŋ weŋya goyen biŋde mat amaŋeŋ nurd yuneŋ hinayiŋ.

Hiburu 5:12

Deŋbe Yesu niŋ dufaytiŋ tareŋ iramiŋ, irde dama ulyaŋde kutiŋ geb, gaha naŋabe al hoyaŋ saba yird yird mar hewoŋ. Goyenbe Al Kuruŋyen mere tiŋeŋya nuramiŋ go gwahade po, al beleŋ po ga saba dirtek haŋ. Niŋgeb deŋbe diriŋ kalak mamu po nene biŋge saŋiŋ ma nene haŋyen go gwahade yara haŋ.

Yuwarwar 2:20

Goyenpoga matatiŋ kura goke igiŋ ma nurde himyen. Matatiŋ gobe gahade: deŋbe bere kura goyen deŋya heŋ bikkeŋ Yesebel mata teŋ hinhin goyen gama irde hiyen gega, goke buluŋeŋ ma nurde tubul tike deŋya hi. Bere gobe yiŋgeŋ ge yeŋ, ‘Nebe Al Kuruŋyen mere basaŋ bere,’ yeŋ hi. Bere gore meteŋ marne usi saba yirde mata buluŋ teŋ teŋ belŋeŋde yukukeb al kurabe leplep mata teŋ haŋ, irde kurabe det toneŋ al beleŋ yirtiŋ goyen galak yirtiŋ biŋge nene haŋ.