Aposel 19:2 - Al Kuruŋyen Mere Igiŋ

² Irdeb, “Yesu niŋ dufaymiŋ tareŋ iramiŋ goyenbe Holi Spirit manaŋ tamiŋ we?” yeŋ gusuŋaŋ yiryiŋ. Irkeb, “Moŋ, Holi Spirit niŋ yeŋ ha mere gobe tiŋeŋ wor po. Ma po nurde hityen,” inamiŋ.

Aposel 19:2 Iomraidhean Croise

Yon beleŋ mere igiŋ Yesu niŋ yitiŋ gayen kayyiŋ 7:39

Be, Yesu beleŋ fe kahaŋyaŋ merem tiyyiŋ gobe kame al kura yeŋ ge dufaymiŋ tareŋ irnayiŋ marbe Holi Spirit tenayiŋ yeŋ gogo yiriŋ. Gega goyenterbe Yesu goyen Al Kuruŋ hitte ma mulgaŋ heŋ hurkuŋ deŋem turŋuŋ yaŋ goyen go ma tiriŋde hinhin geb, Holi Spiritbe kateŋ miŋmoŋ.

Aposel 10:44

Be, Pita beleŋ saba gwahade teŋ hinhin goya goyab Holi Spirit beleŋ saba go palŋa irde hinhan mar hitte katyiŋ.

Aposel 19:5

Gwaha yinke nurdeb, “Baptais Yesu beleŋ yitiŋ goyen tetek,” inkeb Pol beleŋ Doyaŋ Al Kuruŋ Yesu deŋemde baptais yiryiŋ.

Aposel 2:17

Al Kuruŋ beleŋbe gaha yiriŋ: ‘Tonne Holi Spiritbe al megen niŋ hitte fe wogortiŋ yara irde yuneŋ. Irkeb kame gab nalu funaŋ forok yiyyeŋ. Irkeb urtiŋya wertiŋ yagoya beleŋ merene basaŋ heŋ tagalnayiŋ. Irde al foŋeŋtiŋ beleŋ yuwarwarte dufayne yeneŋ bebak tinayiŋ. Irde salanŋeŋtiŋ beleŋ mitere dufayne yeneŋ bebak tinayiŋ.

Rom niŋ Yesuyen alya bereya hitte Pol beleŋ asaŋ kayyiŋ 1:11

Fudinde, nebe deŋ goyen Holi Spirityen tareŋde mata forok yird yird gote tareŋ nuntiŋ goyen kura dunmeke saŋiŋ hewoŋ yeŋ nurdeb deŋ hitte kuŋ dentek wor po nurde hime.

1 Korin 6:19

Irde ultiŋbe Holi Spirityen ya balem yeŋ nurde hinayiŋ. Holi Spirit Al Kuruŋ beleŋ duntiŋ gobe ultiŋ bana hi. Mata buluŋtiŋ gote muruŋgem dindikeŋ yawartek goyen Doyaŋ Al Kuruŋ beleŋ yawareŋ yeŋbe darim wok irde kamyiŋ geb ultiŋ gobe dende moŋ. Niŋgeb ultiŋ go keŋkela doyaŋ yirde hikeb gore meteŋ teŋ hikeb Al Kuruŋyen deŋe kuruŋ heŋ hiyeŋ.

Galesia 3:5

Al Kuruŋ beleŋ Holi Spirit dunke mata tiŋeŋ turŋuŋ yaŋ kurayen kurayen yirke yeneŋ hinhan goyenbe Moseyen saba gama irde hike dunyiŋ ma mere igiŋ Yesu niŋ yitiŋ goyen nurde dufaytiŋ saŋiŋ irkeya dunyiŋ? Keŋkela dufay henaŋ ko.