Aposel 16:3 - Al Kuruŋyen Mere Igiŋ

³ Irkeb Pol beleŋ Timotiyen mere momoŋ goyen igiŋ nurdeb al go teŋ kwe yeŋ nuryiŋ. Gega Timoti naniŋbe Yuda mar al moŋ geb, guba ma yitiŋ goyen gor niŋ Yuda marbe nurde hinhan. Niŋgeb Yuda mar goŋ hinhan mar gore Timoti keneŋbe yeŋ ge igiŋ ma nurd unnayiŋ yeŋbe Pol beleŋ guba yeŋ unyiŋ.

Aposel 16:3 Iomraidhean Croise

Aposel 15:20

Gega Yuda marte tikulabe hakot taunyaŋ taunyaŋ tagalde hinhan. Gayenter wor neŋ Yuda marte gabu yaniniŋyaŋ Sabatmiŋ Sabatmiŋ hugiŋeŋ gwahade po tagalde haŋyen geb, mel go hitte asaŋ po kaŋ yuneŋbe, ‘Uŋgura biŋge kaŋ yuntiŋ goyen go ma nene hinayiŋ, leplep mata ma teŋ hinayiŋ, dapŋa kura biŋiŋde feŋ tike kamtiŋ ma haniŋde yaka tike kamtiŋ gobe go ma nene hinayiŋ, irde dapŋa dari wor go ma nene hinayiŋ,’ yineŋ mata gayen po gab utaŋ yirtek,” yinyiŋ. Irkeb Yerusalem niŋ siosyen doyaŋ mar beleŋ Yuda mar moŋ Yesu niŋ dufaymiŋ saŋiŋ irtiŋ mar hitte asaŋ kayamiŋ.

Aposel 15:37

Goyareb Banabasbe, “Yon Mak ineŋ haŋyen goyen teŋ kure,” inyiŋ.

Aposel 15:40

Munaŋ Polbe Sailas teŋ kweŋ tikeb diŋuŋ Yesu niŋ dufaymiŋ saŋiŋ irtiŋ Antiok hinhan mar gore, “Igiŋge kuri,” yineŋ Al Kuruŋ beleŋ doyaŋ yirde hiyeŋ yeŋ Al Kuruŋ gusuŋaŋ iramiŋ. Gwaha yirde yubul tikeb kwaryum.

1 Korin 7:19

Guba yitiŋ ma, guba ma yitiŋ gobe Al Kuruŋ diliŋdebe det kuruŋ moŋ. Munaŋ Al Kuruŋyen saba gama ird irdbe det kuruŋ wor po.

1 Korin 9:20

Gwahade niŋgeb, Yuda marya heŋbe go mar go Yesu hitte yukeŋ yeŋbe yende mata gama ird ird al yara heŋ himyen. Yuda mar gobe Moseyen saba gote yufukde heŋ go po gama irde haŋyen. Munaŋ nigeŋbe go yufukde ma hime geb, gore epte ma daha wet kura niryeŋ gega, go mar go Yesu hitte yukeŋ yeŋ nurdeb Moseyen saba gote yufukde hime yara teŋ himyen.

Galesia 2:3

Gega goya goyenbe al kura Yesu Kristu gama irhet usi teŋ hinhan mar beleŋ neŋ gabu irtiriŋ bana goŋ wayamiŋ. Irde Taitus neya hinaryum goyen Grik al keneŋbe, “Yuda marte tikula gama irde guba ma yiyyeŋbe epte ma Al Kuruŋyen diriŋ hiyyeŋ,” yamiŋ. Gega Yerusalem taunde niŋ Yesuyen alya bereyat doyaŋ mar kura beleŋ Taitus go guba yeŋ yeŋ ge pakku ma iramiŋ. Goyenpoga Yesu gama irhet usi teŋ hinhan mar gobe Yuda marte tikula tubul teŋ Yesu po gama irde hinhet goyen daha mat kura nurde merem yaŋ yirniŋ yeŋ waŋ mere nurniŋ watiŋ yara tiyamiŋ. Dufaymiŋdebe neŋ Yuda marte tikula tubul titiŋ goyen sopte gama irnayiŋ yeŋ dumulgaŋ teŋ tikula kanduk wor po gote yufuk bana dukuniŋ tiyamiŋ.

Galesia 5:6

Fudinde, neŋbe Yesu Kristu yufuk bana hitekeb Al Kuruŋ diliŋdebe guba yenayiŋ ma guba ma yenayiŋ goyen goke ma nurde hi. Gwahade yarabe dufayniniŋ yeŋ ge saŋiŋ irde bininiŋde mat amaŋeŋ nurde kadniniŋ faraŋ yurde hite goke po gab nurde hi.

Filipai 2:22

Gega deŋbe Timotiyen mata igiŋbe gwahade yeŋ nurde haŋ gogo. Yeŋya neyabe ire naniŋya beleŋ meteŋ titŋeŋ teŋ Yesu niŋ yitiŋ mere igiŋ goyen goke meteŋ teŋ haryen.