Matyu 18:3 - Marik

³ Agef fen, ĩ iron, “Aya momoi arokeneik, ã kesu nanaal gen falei gouf anĩ dogol, age fiya sãf are, ã saa tanon to bagai ulagauf.

Matyu 18:3 Iomraidhean Croise

Matyu 13:15

Ere nigin, tamo kayau enei, idi waud katĩ felen, idi wederedim karĩya malai bagai, age de fen, idi meleid difofakelen, age fiya sam are, idi meledim dilem, wederedim karĩ dem ado, idi waud fokõ ye fen, falei de di, aya idi el afedim.’

Matyu 18:2

Ĩ kesu naal taka iweignẽ isi di, idi atun ifarnen.

Matyu 18:4

Anĩ nigin, aib taka yogo nigin kuru kel fen, kesu enĩ genẽf are, ĩ saa tanon odug bagai ibodok.

Matyu 19:14

Jesus iron, “Utornẽdig len, kesu nanaal aya wageun disiyouf, idi to katũ wedig, ere nigin, saa tano are eig fediya neid.”

Matyu 19:23

Age fe di, Jesus in dõ fiya tar irokenẽdin, “Aya ã momoi arokeneik, safina musei ado tamo, saa tanon ileya nigin malai bagai.

Matyu 5:18

Aya momoi bagai arokeneik, sain saa teneub ado iminkeleya sã mog, sifa naal bagai, pen togo fiya anĩ Lo bun taka to fitol yale iminkalauf, idi anĩ ganan dibod mog, ereb ereb ganan kisi falauf.

Matyu 5:20

Anĩ aya arokeneik, ãgenei madur bagai anim, Farisia tamo ado lo ifelnẽdiya tamo neid madur bagai to wal gouf are, ã saa tanon ileya nigin kisi feleya sã bagai.

Matyu 6:16

“Sain ã kuri gouf, mala yaleya tamo sẽya nẽ neweid age difedig gen to ago gei, ago gouf, tamo anĩ dile fen kuri def douf. Aya momoi arokeneik, anĩ nẽ mala solo adok mogo dalen.

Matyu 6:2

“Sain õ maleg tamo usennẽdiyou fenẽ, õ anĩ taur to fũ fen, ait bagauf, mala yaleya tamo Juda neid uub fõ bun ado naabur, tamo idi seluma kulõ difouf de fen, age difedig gen. Aya momoi arokeneik, idi anĩ nẽ mala solo adok mogo dalen.

Matyu 6:5

“Sain ã kosẽ gouf bun, ã mala yaleya tamo age difedig gen to agog. Idi tamo dilemãf de fen, Juda neid uub fõ namen ado naab kaleyan difar fen, kosẽya orodidig. Aya momoi arokeneik, idi anĩ nẽ mala solo adok mogo dalen.

Mak 4:12

ere nigin, “‘idi meledim diledig, anĩ ere, idi meleid fokõya sã, idi wederedim karĩ dedig, anĩ ere, idi gariya keleĩ sã. Age fiya sãf are, idi waud falei de di, mosor yalel kenẽdiyouf.’ ”

Luk 13:24

“Bobog kidõ anĩ ileya nigin kabĩ totol walogouf, ere nigin, aya ã arokeneik, musei idi namen dilauf nigin age difouf, anĩ ere, to kisi falauf.

Luk 22:32

Anĩ ere, aya, Simon õ nigin ogon momoiya to urofosiyouf nigin kosẽ aun. Anĩ nigin, sain õ kelouf, turã tar megeir wediyouf.”

Jon 1:51

Ĩ tobol fe iron, “Aya ã momoi bagai arokeneik, ã, saa bobog kã fele di, Negur nẽ engel Tamo Naal bun diselef disif dife mog, ulogouf.”

Jon 3:3

Jesus aiten yale iron, “Aya õ momoi bagai arokonok, taka nem Negur nẽ tano to ilouf, ĩ baban mata gõ fiyẽf dogol.”

Jon 3:5

Jesus solof iron, “Aya õ momoi bagai arokonok, taka ĩ, naan ado Awa Uurem mata to wõ youf are, ĩ Negur nẽ tano bun ileya kisi feleya sã.

Aposel 14:22

dõ fiya tar megeir difiyeĩd fen, idi momoiya bun dibodõf nigin waud dalesen. Idi diron, “Ada Negur nẽ tano bun ileya nigin, morõ musei talouf bagai.”

Aposel 28:27

Ere nigin, tamo kayau enei, idi waud katĩ felen, idi wederedim karĩya kisi feleya sã, age de fen, idi meleid difofakelen, age fiya sam are, idi meledim dilem, wederedim karĩ dem ado, idi waud fokõ ye fen, falei de di, aya idi el afedim.’

Aposel 3:19

Anĩ nigin, wauĩ falei ge fen, Negur bun uleg, anĩ bunem ãgenei mosor isasalauf. Ago gouf, wauĩ mata wõya nẽ sain Odug bunem isi fen,

1 Korin 14:20

Turau tar, ãgenei kisi bun simõ gen to ufareg. Sane nigin, momou nẽ kisi gen ufareg, anĩ ere, ãgenei kisi bun biyeĩ ufareg.

1 Pita 2:2

Momou mata gõ fediya gen, uur nẽ sumin karẽtut nigin fatuk bagai oroyeĩf, ago ge di, ã anĩ bunem ãgenei kel yaleya bun odugouf.

2 Pita 1:11

Ago ge di, ã, neda Odug fen Isennadaya, Jesus Kristus nẽ tano mata gai ibodkeleya bun, ileya nigin lakĩ fiya taka to ibodõf.