Jon 19:9 - Marik

⁹ Ĩ baban fõ aaben kel ile fen, Jesus to fiyen, “Õ nain tamal?” Anĩ ere, Jesus aiten to yalen.

Jon 19:9 Iomraidhean Croise

Matyu 26:63

Anĩ ere, Jesus mutũ ifaren. Pris mudur ado Jesus irokenen, “Õ mata ibodõya Negur mala bun urõf nigin, od arokonok. Õ momoi Kristus, Negur Naal be anĩ, amã urokanamãf.”

Matyu 27:27

Gawaman mudur nẽ kusĩ tamo, Jesus dale gawaman mudur nẽ fõ namen dile fen, an mayã taka, kusĩ tamo ganan gou difalaisi salili difiyen.

Luk 23:9

Herod Jesus musei bagai to fiyen, anĩ ere, Jesus taka to solof iron.

Jon 18:28

Age fe di, Juda tamo, Jesus Kaiafas bun tamal dale dirou, Rom gawaman mudur nẽ fõ bun dilen. Are bonimei bagai, Juda tamo idi Pasa nẽ saaf dãf nigin, kal sese de fen, gawaman mudur nẽ fõ namen to dilen.

Jon 18:33

Age de di, Pailat aaben kel ile, Jesus iweigne ken, to fiyen, “Õ Juda neid king de?”

Jon 18:34

Jesus solof iron, “Õ ogon kisim od enei urok de, tunim be aya nigin õ dirokonon?”

Jon 18:37

Age ye di, Pailat Jesus irokenen, “Age fouf, õ king de?” Jesus solof iron, “Õ ogo yer urok, aya king. Enei nigin aya wõ aun, are momoi anĩ wogõ auf nigin, anĩ nigin, aya tenebur asin. Momoi nẽ ganan, aya karĩ difiyadig.”

Jon 19:10

Pailat Jesus irokenen, “Õ aya od to urokanauf de? Aya õ kafĩ fiya bun tamal yalelnõya nigin megeir ado, õ aa tetek bun inõya nigineg megeir ado anĩ, õ keleĩ sã de?”

Jon 19:8

Od enei Pailat karĩ ye fen, fatuk bagai kumĩ yen.

Jon 8:14

Jesus solof irokenẽdin, “Aya yug nigin wogõ auf, anĩ ere, neu wogõya are momoi, ere nigin, aya nainenem asin, nain be alauf anĩ, aya keleĩ. Anĩ ere, ã, aya nainenem asin, nain be alauf anĩ, keleĩ sã.

Filipai 1:28

Idi naab fire fire bunem, kiwai difeneĩf anidi nigin, ã kumĩ sã ufaragauf. Are idi bun, idi daũ feidlauf anĩ nẽ uris, anĩ ere, ã bun, Negurem ã kel yaleyeĩf anĩ nẽ uris.