Jon 17:5 - Marik

⁵ Dei, teneub kare fiya sã mog, ada urom fula fiya medeĩya adon anĩ, õ malã bun fula fiya medeĩya anĩ gama wana.

Jon 17:5 Iomraidhean Croise

Matyu 25:34

“Agef fen, King ĩ, idi ima biyalẽ anidi irokenẽdiyouf, ‘Neu Deim el yeik ã, usig, ãgenei akoreĩ waleg, gariya bun teneub inon bunem isi gama, tano ãgenei nigin saika fen anĩ.

Jon 1:18

Taka nem Negur to bagai ilen, anĩ ere, Negur Naal Tekelei Yogo Dogol, ĩ Tama wagen ibod ken, ĩ nigin yaor fen.

Jon 10:30

Aya Dei ado tekelei.”

Jon 14:9

Jesus iron, “Filip, aya ã geid sain meluk tabodon, anĩ ere, õ aya keleĩ sã de? Taka ĩ aya ileyan are Dei ilen. Naig fe di, õ urok, ‘Tamada ufelnamã’?

Jon 17:1

Jesus od enei wogõ yel fen, saa ilun itad fen, kosẽ yen: “Dei, naa mogo isil, fula fiya medeĩya õ Naal wenẽ, ago di, õ Naal õ selĩ kulõ fouf.

Jon 17:24

“Dei, idi õ aya wanan anidi, aya abodok nẽ an, aya geid mabodõf anĩ orouf, are idi neu fula fiya medeĩya dilouf nigin, fula fiya medeĩya anĩ teneub kare fiya sã mog, õ aya nigin waũ laaf fen, wanan anĩ.

Jon 3:13

Aibem taka saa ilun to iselen, Tamo Naal saa ilunem isin yogo dogol.

Jon 8:58

Jesus idi irokenẽdin, “Aya ã momoi bagai arokeneik, Abraham gõ fiya sã mog, aya abodon.”

Filipai 2:6

Ĩ yogo Negur bagai, anĩ ere, ĩ Negur gen ibodõya anĩ itoron,

Hibru 1:10

Takag, ĩ irok, “O Odug, gariya bun õ teneub nẽ gariya kare won, õ imam saa unon.

Hibru 1:3

Naal ĩ Negur nẽ fula fiya medeĩya nẽ so fiya, ĩ Negur yogo gen bagai, in od totol ado bunem ereb ereb ganan megeir irou ifaref. Ĩ mosor lilik fiya anĩ age fel fen, saa ilun Negur Megeir Bagai ima biyalẽ ibodon.

1 Pita 1:20

Negur ereb ereb ganan kare fiya sã mog, ĩ igirnen, anĩ ere, ã nigin idikeleya sain enei bun ĩ yaor fen.

1 Pita 1:21

Kristus bunem, ã, Negur Kristus laa bun tamal kel turĩ fiye ken, fula fiya medeĩya ifenen ĩ nigin momoi gen, anĩ nigin, ãgenei momoiya ado wauĩ iseya Negur bun ibodok.

1 Jon 1:2

Mata are wõ yen. Amã anĩ mail fen, anĩ nigin kurõ mafesif. Age mafe fen, amã, mata ibodkeleya ĩ, Tama ado dibod ken, amã bun wõ yen anĩ, ã yaor mafe marokeneik.

Kurõ Fesiya Od 13:8

Tenebur dibodok anidi ganan gaar kuĩ yana dalesauf, are idi, saa teneub ado kare fen sain bunem isi sain enei bun, idi yeneid Sipsip Naal dukesin anĩ nẽ mata ibodõya nẽ buk bun to itoton anidim age difouf.

Kurõ Fesiya Od 3:21

Aib ĩ kusĩ anĩ wal fouf, aya kusĩ wal afe fen, neu Dei nẽ king nẽ sia bun, neu Dei ado mabodok gen, ĩg neu king nẽ sia bun, aya ado mabodõf nigin yo afiyẽf.