Hibru 1:9 - Marik

⁹ Õ tobonunã madur bagai nigin waũ laaf fen, tobonunã sane anĩ sese wedig, anĩ nigin, Negur, ogon Negur kulĩya nẽ moul õ bun fi felen, anĩ bunem, nẽ tã tar wal feid fen, ilun inenon.”

Hibru 1:9 Iomraidhean Croise

Luk 4:18

“Odug nẽ Awa Uur aya bun ibodok, ere nigin, ĩ aya maleg anidi biya od wogõ afediyouf nigin, igirna fen, mudurou bun moul fi felen. Ĩ, aya kalabus bun difaref anidi karika dalouf nigin ado, meleid ifofakeleya anidi meleid fara falauf nigin, kurõ afalaisiyouf nigin sur fiyan. Tamo kayau tunim kiwai difeneĩd fen, morõ difenẽdif anidi yalel kenẽdiya nigin sur fiyan.

Jon 1:41

Ereb uruwa Endru age fen are, ĩ tura Simon imir ile fen, irokenen, “Amã Mesia (anĩ Kristus) fotou mafen.”

Jon 10:17

Neu Dei, aya nigin wau laa fef nẽ gariya are, aya neu mata baban kel yalouf nigin anĩ atorok.

Jon 20:17

Jesus iron, “Aya to urouna, ere nigin, aya Dei gein fau kel iseleya sã. Anĩ ere, neu turau tar gedin ule urokeneĩd, ‘Aya neu Dei, ãgenei Temeĩ, neu Negur, ãgenei Negur bun kelau eselauf.’”

Jon 3:34

Taka ĩ Negurem sur fiyen are, ĩ Negur nẽ od wogõ yef, ere nigin, Negur ĩ Awa Uur idikeleya sã ifenek.

Aposel 10:38

à keleĩ, Negur, Jesus Nasaret tamal bun, Awa Uur Fateul ado megeir fi fele di, Jesus iyo ken, tobonunã biya agef fen, Satan nẽ megeir farumen dibodok anidi ganan el fiyẽdin, ere nigin, Negur ĩ ado ibodon.

Aposel 4:26

Tenebur nẽ king idi kusĩya nigin dodok difef, uyu irouya tamo guru de fen, Odug bun ado yogon Kristus bun kiwai dinof.’

Aposel 4:27

Momoi, Herod, Pontius Pailat idim, haiden, Israel tamo kayau geid, taun enei bun guru de fen, ogon kabĩ tamo fateul Jesus õ ogo ugirin ĩ kiwai difenen.

Rom 12:9

Wau laa fiya are mala yaleya sã. Ereb sane anĩ seseg fen, ereb biya anĩ kafĩ weleg.

Rom 15:13

Wau iseya nẽ Negur, ã Negur momoi wiyẽg mog, wau kulĩya ado wau inosiya ganan, ã namein fi fele di, ise isokosauf, anĩ bunem, ã bun Awa Uur Fateul nẽ megeir bunem wauĩ iseya gogũ fouf nigin aya orouf.

1 Korin 1:9

Negur ĩ, yogon Naal Jesus Kristus, neda Odug geid, ã nigal gouf nigin iweignein, ĩ ereb yef, de age fouf bagai.

2 Korin 11:31

Odug Jesus nẽ Dei, Negur, ĩ anĩ yana faimud yaleseya, ĩ keleĩ, aya to adegek.

Galesia 5:22

Anĩ ere, Awa Uur nẽ faat are, wau laa fiya, wau kulĩya, wau inosiya, wau yukeleya, wau ifenẽya, tobonunã biya, dõ fiya biya,

Efesus 1:3

Ada, neda Odug Jesus Kristus nẽ Tama Negur, ĩ yana talesauf, ĩ uur nẽ el fiya Kristus bun saa ilun dibodok anĩ ganan bunem el fadan.

Filipai 2:9

Anĩ nigin, Negur ĩ ilun bagai yaleselne ken, ĩ yana, yana ganan wal fiya anĩ ifenen.

Hibru 2:11

Yogo tamo kayau fateul ifenẽdif ado, fateuledif anidi geid, ibor tekeleif. Anĩ nigin, Jesus idi turau tar fiyẽdiya nigin to mama fef.

Hibru 2:9

Anĩ ere, Jesus Negurem ĩ sain naal engel farumedin inene ken, ĩ darau yale laa fen nigin, gama ĩ fula fiya medeĩya yana ado anĩ nẽ teter kurũ fiyen anĩ ada tailef, are Negur nẽ wau ifenẽya bunem, ĩ tamo kayau ganan nigin laa ilen.

Hibru 7:26

Pris mudur age fiya anim, sã isennadauf. Ĩ fateul, kerema sã, amuyẽ sã, mosor adodo bun tamal gadi felen, Negur ĩ saa ilun bagai inenen.

1 Pita 1:3

Negur, neda Odug Jesus Kristus nẽ Tama yana talesauf! Yogon wau yũya odug bun, Negur ĩ Jesus Kristus laa bun tamal kel fã yen bunem, ada mata gõ fadan, are ada mata ibodõya wau iseya bun tele fen,

1 Jon 1:3

Amã ereb mailen ado karĩ maun anĩ, ã yaor mafe marokeneik, are ãg amã geid nigal taũf nigin age mafef. Age fe di, neda nigal yũya are, Tama ado yogon Naal Jesus Kristus geid nigal taũf.

Kurõ Fesiya Od 2:15

Age fiya gen, õ aneg tunĩ Nikolas nẽ ifelnẽya dirouf anidi ado.